नवीन केसी, प्युठान ।
सरकारले संसद विघटन गरेपछि राष्ट्रिय जनमोर्चाले संगठन परिचालन, भेला र संघर्षका कार्यक्रमहरु सँगसँगै अगाडि बढाएको छ । झिम्रुक गाउँपालिकाका विभिन्न वडाहरुमा भेला तथा प्रशिक्षणहरु भइरहेका छन् ।
झिम्रुकको वडा नम्बर ३ अमराई हल्तेमा राजमोको प्रशिक्षणात्मक भेला सम्पन्न भएको छ । राष्ट्रिय जनमोर्चाका वैकल्पिक जिल्ला सदस्य तथा भिमरुक गाउँपालिका सचिव केशरजङ्ग एमसीको प्रमुख आतिथ्यतामा माघ ९ गते भेला सम्पन्न भएको छ ।
भेलामा एमसीले देशको तात्कालिक राजनीतिक परिस्थितिबारे प्रशिक्षण दिनुभएको थियो । उहाँले वर्तमान ओली सरकारले संसदको विघटन गरेर देशलाई अस्थिरतातर्फ लगेको हुनाले सरकार विरुद्धमा संघर्ष गर्नुपरेको बताउनुभयो ।
भेलामा जातीय समता समाजका जिल्ला सदस्य विनोद विकले राष्ट्रियता र संगठानत्मक विषयमा प्रशिक्षण दिनुभएको थियो । कार्यक्रममा मूल प्रवाह अखिल भारत नेपाली एकता समाजका नेता हरि खड्काको पनि आतिथ्यता रहेको थियो ।
कार्यक्रम राष्ट्रिय जनमोर्चा वडा सचिव तथा निर्वाचित वडा सदस्य नवराज केसीको सञ्चालन तथा राजमो झिमरुक गाउँपालिका वडा ३ सदस्य जगतबहादुर महतराको अध्यक्षतामा सम्पन्न भएको थियो ।
राष्टिय जनमोर्चामा प्रवेसको लहर
यता, झिम्रुक गाउँपालिका–७ बाट नेपाली कांग्रेस, नेकपा परित्याग गरि दर्जनौं कार्यकर्ता राजमोमा प्रवेश गरेका छन् । प्रवेश गर्नेहरुमा गनबहादुर सुनार, गोठे सुनार, सुनिल सुनार, रिना विक, रामबहादुर विक, खलाने सुनार, फुर्सबहादुर थापा, कृष्ण बहादुर सुनार, कमान बस्नेतलगायत हुनुहुन्छ । नव प्रवेशीलाई राजमो नेता तिलक जिसि, वीरबहादुर जिसि, टीकाबहादुर जिसिले अबिर लगाई स्वागत गर्नु भएको थियो ।
कार्यक्रममा युवा नेता भरत ढकाल, राजमो नेता रामचन्द्र भण्डारी सहित विभिन्न मोर्चाका नेताहरुको उपस्थिति भएको थियो । भेलाको अध्यक्षता दिनेन्द्र महतारा र स्वागत भाषण ठाकुर गिरिले गर्नु भएको थियो भने सञ्चालन लोकबहादुर महताराले गर्नु भएको थियो ।
विभिन्न पार्टी परित्याग गरी सामुहिकरुपमा राजमोमा प्रवेश
