पुष्कर भट्ट, महेन्द्रनगर ।
राष्ट्रिय जनमोर्चा कञ्चनपुर जिल्ला समितिले एकमहिने सङ्घर्षको कार्यक्रमको उद्घाटन गरेको छ । राजमो केन्द्रले देशव्यपी रूपमा केन्द्रबाट नै जिल्लास्तरमा सङ्गठन तथा सङ्घर्षको कार्यक्रम तय गरेको छ । सोही कार्यक्रमअन्तर्गत आज (सोमबार) राजमो कञ्चनपुरले पनि अभियानको उद्घाटन गरेको हो ।
गणतन्त्र राष्टियता र धर्मनिरपेक्ष को रक्षा गरौँ, ओली सरकारको असंवैधानिक कदम, सङ्घीयता र भ्रष्टाचारको विरोध गरौँ, प्रतिनिधि सभा पुनःस्थ्थापना गर भन्ने नाराका साथ अभियान कृष्णपुर नगरपालिकाको गुलरिया बजारमा उद्घाटन गरिएको हो ।
कार्यक्रममा राजमो जिल्ला सचिवको सभापतित्वमा भएको कार्यक्रममा राजमो प्रदेश अध्यक्ष तथा केन्द्रीय सदस्य नन्दराज भट्ट प्रमुख अतिथि रहनुभएको थियो ।
त्यस्तै, कार्यक्रममा राजमो केन्द्रीय सदस्य लोकेन्द्र लम्साल, जातीय समता समाजका महासचिव गोविन्द विक, अखिल नेपाल ट्रेड युनियन महासङ्घ (अन्टुक) का प्रदेश संयोजक जनक कुँवर, अखिल (छैठौं) का जिल्ला सचिव पुष्कर भट्ट, मूल प्रवाह अखिल भारत नेपाली एकता समाजका गोरख रैकाल, राजमो जिल्ला सदस्य गौरा सार्कीले सम्बोधन गर्नुभएको थियो ।
कार्यक्रममा स्वागत मन्तव्य राजमो जिल्ला सहसचिव लालबहादुर कुँवरले तथा सञ्चालन राजमो जिल्ला सदस्य चक्र रैकालले गर्नुभएको थियो ।
