दाङ । राष्ट्रिय जनमोर्चाका अध्यक्ष चित्रबहादुर केसीले बिहीबार दाङको घोराहीमा आयोजना हुने विरोध सभालाई सम्बोधन गर्ने कार्यक्रम रहेको राजमो दाङले जनाएको छ ।
आज लमहीमा आयोजित पत्रकार सम्मेलनमा कार्यक्रमबारे जानकारी दिइएको छ । दिउँसो १२ बजे घोराहीको ट्राफिक चोकदेखि जुलुश सुरु भएर तुलसीपुर चोक पुगेर सभामा परिणत हुनेछ ।
पत्रकार सम्मेलनमा पुग्नुभएका अध्यक्ष केसीले सत्तारुढ दलको आपसी किचलोले संविधानमै व्यवस्था नभएको संसद घिटन भएको भन्दै पुर्नस्थापना हुनुपर्नेमा जोड दिनुभयो ।
उहाँले दक्षिणी मुलुक (भारत)ले नेपालमा अस्थिरता सिर्जना गर्न पटक–पटक गरेको प्रयास स्वरुप संसद विघटन भएको आरोप लगाउनुभयो । उहाँले विघटित प्रतिनिधि सभाको पुनर्स्थापना गर्न माग गर्दै संघीयता खारेज गर्नुपर्नेमा जोड दिनुभयो ।
फरक प्रशंगमा अध्यक्ष केसीले एमसीसी कुनैपनि हालतमा पास गर्न नहुने बताउनुभयो ।
