तिलक थापा,बागलुङ ।
राष्ट्रिय जनमोर्चा बागलुङले ‘बिघटित प्रतिनिधि सभा पुर्नस्थापना गर ! गणतन्त्र, राष्ट्रियता र धर्म निरपेक्षताको रक्षा गरौं ! संघीयता र भ्रष्टाचार बिरुद्ध संघर्ष गरौं !’भन्ने मुल नाराका साथ बिशेष संगठनात्मक अभियान सुरु गरेको छ । सञ्चालित संगठनात्मक अभियान अन्तरगत टोली नं. १ र ३ ले २०७७ पौष १७ गते सुखौरा र झिम्पाबाट सुरु गरेको हो ।
कार्यक्रम अन्तरगत टोली नं. १ ले बरेङ गाउँपालिका वडा नं.५, सुखौरामा वडा प्रशिक्षण भेला सम्पन्न गरेको छ । कार्यक्रमका प्रमुख अतिथि राष्ट्रिय जनमोर्चाका केन्द्रीय सदस्य तथा जिल्ला समन्वय समिति बागलुङका प्रमुख राजेन्द्र ढुङगानाले जनताका अधिकार खोसिएको बेला कार्यकर्ताहरु झन शसक्त हुनु पर्ने बताउँदै अब समृद्धिका लागि आन्दोलन गर्न नपर्ने भन्ने हरु नै अधिकारका लागि सडकमा जान परेका अबस्थामा अधिनायकवादी कदमलाई परास्त गर्न जोड दिनु भयो ।
त्यस्तै, बिशिष्ट अतिथि राष्ट्रिय जनमोर्चाका राष्ट्रिय परिषद् सदस्य तथा गण्डकी प्रदेश मामिला सभापति कृष्ण थापा, अतिथि जनमोर्चाका राष्ट्रिय परिषद् सदस्य तथा अखिल नेपाल युवक संघका पूर्व केन्द्रीय अध्यक्ष तिलक थापा, अखिल नेपाल जनजाती सम्मेलनका केन्द्रीय सल्लाहकार नर बहादुर पुन लगायतले सम्बोधन गर्नु भएको थियो ।
कार्यक्रममा राष्ट्रिय जनमोर्चा बागलुङका सचिवालय सदस्य तथा बरेङ गाउँपालिका अध्यक्ष कृष्ण पौडेल, अखिल नेपाल महिला संघ बागलुङका अध्यक्ष तथा बरेङ गाउँपालिका उपाध्यक्ष दिल माया पुन, राष्ट्रिय जनमोर्चा बागलुङका सदस्य तथा बरेङ गाउँ समितिका अध्यक्ष हिरा बहादुर थापा, प्रगतिशील पत्रकार संघका जिल्ला कोषाध्यक्ष प्रकाश छन्त्याल, राजमो वडा सचिव चित्र सेरपुर्जा, वडा उपाध्यक्ष बल बहादुर थापा, अखिल नेपाल युवक संघका वडा समिति अध्यक्ष हेमन्त खत्री, अखिल नेपाल महिला संघ वडा उपाध्यक्ष सुकमाया थापा लगायतको आतित्थ्यता रहेको थियो । वडा समितिका अध्यक्ष झगर बहादुर अर्मजाको अध्यक्षता, नारायण शर्माको सञ्चालन र जिल्ला सल्लाहकार टिकाराम शर्माको स्वागत मन्तब्यमा सम्पन्न भएको थियो ।
यसैगरी,टोली नं.२ ले निसीखोला गाउँपालिका वडा नं.४, झिम्पामा वडा प्रशिक्षण भेला सम्पन्न गरेको छ । कार्यक्रमका प्रमुख अतिथि राष्ट्रिय जनमोर्चाका पूर्व केन्द्रीय सचिव कृष्ण अधिकारी, अतिथि जनमोर्चाका राष्ट्रिय परिषद् सदस्य तथा जिल्ला सल्लाहकार गौरीश्वर पाण्डे, जिल्ला सदस्य थमन घर्ती, दुर्गादेबि घर्ती, प्रगती बुढा लगायतले सम्बोधन गर्नुभएको थियो । भिमसेन शाहको अध्यक्षता र जुन बिक्रम शाहीको सञ्चालनमा सम्पन्न भएको थियो ।
यो पनि
राष्ट्रिय जनमोर्चा बागलुङले तय गर्यो जिल्लाब्यापी संगठनात्मक अभियान
