खिमराज चालिसे, चंडिगढ ।
विगत केही महिनादेखि क्यान्सरबाट जुधिरहेकी गुल्मीकी एक महिलाको भारतको लुधियानामा निधन भएको छ । रेसुङ्गा नगरपालिका–६ अर्खले, ठुला चेक्मी निवासी घनश्याम मरासिनीको पत्नी जुनाको २८ डिसेम्बरका दिन निधन भएको हो ।
विगत चार महिनादेखि क्यासर पीडित जुनालाई बचाउन मूल प्रवाह अखिल भारत नेपाली एकता समाजले प्रयास गरेपनि सम्भव भएन । उनको उपचारका लागि केही समय अघि एकता समाज फोकल पाइन्ट नगरसमितिले २७ हजार ४४० रुपैयाँ आर्थिक सहयोग गरेको थियो भने थप सहयोगको लागी अपील गरेको थियो ।
मूल प्रवाह अखिल भारत नेपाली एकता समाज लुधियाना फोकलपाइन्ट नगरसमितीले जुनाको निधन प्रति गहिरो शोक प्रकट गर्दै श्रद्धाञ्जली अर्पण गरेको छ ।
अर्जुन कार्कीको अध्यक्षतामा तथा बहादुर घर्तीमगरको सञ्चालनमा सम्पन्न शोक सभामा मूल प्रवाह केन्द्रीय उपाध्यक्ष कपिल खनाल, क्षेत्रीय सदस्यहरु उदैसिंह चन्द, रामचन्द्र पौडयाल, देविराम थापा, लोकनाथ शर्मा, एरिया सदस्य सन्तोष बरम्ले र सगरमाथा टुर एण्ड ट्रावेल्सका केपि पाण्डे, बसन्त थापालगायतले श्रद्धाञ्जली अर्पण गर्नुभएको थियो ।
मृतकको सम्झनामा एक मिनट मौन धारण गरिएको मूल प्रवाहका नगर सचिव अर्जुन कार्कीले बताउनुभयो ।
मूल प्रवाहद्वारा अपांगता भएकी क्यान्सर पीडितलाई सहयोग
