रवि पौडेल
म बहुदलीय व्यवस्थाको जन्तुलाई
बहुदलीय व्यवस्था स्वीकार गर्दै
सरकारमा गएकाहरूले
२०५१ मा हत्या गरेका थिए
काङ्ग्रेसले गरेको त्यो हत्यालाई
सर्वोच्च अदालतले
संवैधानिक भनेको थियो
तर, जनताको नजरमा
त्यो हत्या थियो
तर म बाँचे ।
अर्को पटक २०५२ मा संसदको हत्या भयो
कम्युनिस्ट मुकुन्डोधारी सरकारले पनि
सत्तास्वार्थमा अहमता देखायो
फेरि पनि म संसदिय जन्तु बाँचे ।
अर्को पटक ,
२०५९ मा काङ्ग्रेसकै नेताको सिफारिसमा
राजाले गरे संसद विघटन
माओवादीको नाममा सङकटकाल लम्ब्याउने
र, सत्ताको दुरुरूयोग गर्ने
मनसाय थियो काङ्ग्रेसको ।
फेरि पनि म बाँच्न सफल भएँ
२०६२–६३ सालको जनआन्दोलनबाट ।
आज फेरि
२०७७ सालमा अर्को पटक
हत्या गरिएको छ मेरो
कम्युनिस्टको नाममा सरकार
बद्नाम त थियो नै
जनताका मौलिक हक–अधिकार
दैनिक उपभोग्य सामानमा समेत मूल्य वृद्धि
चरम भ्रष्टाचार
अझै आन्तरिक कलहले
संसदको हत्या गर्ने
गैरजिम्मेवार काम भयो यस पटक
लोकतन्त्रको हत्या भयो
गणतन्त्रको हत्या भयो ।
प्रतिनिधि सभाको
पटकपटक हत्या गर्दा पनि
ब्युँतन सक्ने
कति बलियो रहेछु् बहुदलीय ब्यबस्था ?
म एक्लो छैन
मसँगै गणतन्त्र नामको बच्चा छ
म मर्दिनँ भर्खरै
हजारौँ नागरिकको रगतले ल्याएको
मलाई असफल गराउन खोजे पनि
घाँटी निमोठ्न खोजे पनि
मर्दैन गणतन्त्र
हार्दैन लोकतन्त्र ।
तिमी स्वार्थी नेताहरू हार्ने छौ
मर्ने छैन ,नेपाली प्रजातन्त्र
पटक–पटक हत्या गरे पनि
हार्ने छैन, बाच्ने छ
बच्ने छ गणतन्त्र ।
