रवि पौडेल
देश विकास गर्छौं भनी एकीकरणको नाम
सत्तालिप्सा देखायौ नि विकासको काम
नाम तिम्रो कम्युनिस्ट ममा देखिन्छौ गद्दार
खुलमटार र बालुवाटार कस्तो भद्दा मजाक
भूमाफिया र भ्रष्टाचारी वरिपरि पाल्छौ
समृद्धि र सुखी नेपाल कुरा मिठा गर्छौ
विदेशीले ऋण दिन्छ पेट आफै भर्छौ
जनताको बिच पुगी मिठा कुरा गर्छौ
लुटिएको भूमि अब फिर्ता गर्ने भन्छौ
रातारात हरिया नोटका बिटा पनि गन्छौ
चुच्चे नक्सा लुकाउँछौँ कुरा उही गर्छौ
जनतालाई कहिलेसम्म पिजडामा पार्छौ ?
गणतन्त्र ठिकै थियो सङ्घीयता ल्यायौ
देशैभरि पद दिई कार्यकर्ता पाल्यौ
गरिबदुखी जनतालाई नालीमा फाल्ने
कति सिधा जनता हुन् उनैलाई भोट हाल्ने
पूर्वदेखि पश्चिमसम्म सीमा लुटिँदै छ
देशका नदीनाला उसलाई सुम्पदै छ
कारखाना र व्यवसाय सबै उतैकालाई दिने
आफ्नै देशका नागरिकलाई खोक्रा नारा बाड्ने
जात÷जाति धर्मकर्म भड्काउने तिमी
सिङ्गो देश टुक्रा टुक्रा पारिखाने तिमी
अर्कैको नक्कल गर्ने तिम्रो बुद्धि कस्तो ?
मातृभूमि नेपाललाई बनायौ नि सस्तो
