काठमाडौँ । विश्वमा कुल सङ्क्रमितको सङ्ख्या छ करोड नाघेको छ । आज बिहानसम्मको तथ्याङ्कमा विश्वभरिको कुल सङ्क्रमित छ करोड ७३ हजार ३४५ पुगेको छ । पछिल्लो चौबिस घण्टामा मात्रै विश्वमा पाँच लाख २८ हजार १३२ जना नयाँ सङ्क्रमित थपिएका थिए ।
वल्र्डोमिटर्सका अनुसार, सबैभन्दा बढी सङ्क्रमित युरोपमा छन् । त्यहाँ एक करोड ६० लाख ३२ हजार ८०४ जना कुल सङ्क्रमित रहेका छन् ।
दोस्रो स्थानमा एसिया छ । त्यहाँ एक करोड ५९ लाख ९० लाख ४२८ कुल सङ्क्रमित पुगेका छन् ।
उत्तर अमेरिका कुल सङ्क्रमितको तथ्याङ्कमा तेस्रो स्थानमा छ । त्यहाँ एक करोड ५१ लाख तीन हजार ५५४ कुल सङ्क्रमित रहेका छन् ।
कुल सङ्क्रमितको चौथो तथ्याङ्कमा दक्षिण अमेरिका छ । त्यहाँ हालसम्म एक करोड सात लाख ९६ हजार २१९ जना कुल सङ्क्रमित पुगेका छन् ।
पाँचौँ स्थानमा अफ्रिका छ, त्यहाँ २१ लाख पाँच हजार ५०२ जना कुल सङ्क्रमित रहेका छन् भने छैटौँ स्थानको अस्ट्रेलियामा ४४ हजार ११७ जना कुल सङ्क्रमित रहेका छन् ।
आजसम्मको चौबिस घण्टामा ११ हजार ६०३ जनाको थप मृत्यु भएसँगै विश्वभरिका कोभिड–१९ कारण मृत्यु हुनेको सङ्ख्या १४ लाख १३ हजार ६८४ पुगेको छ ।
हालसम्म विश्वमा ४ करोड १५ लाख नौ हजार ४३७ जना निको भएर घर फर्किसकेका छन् भने एक करोड ७१ लाख ५० हजार २२४ जना सक्रिय सङ्क्रमित रहेका छन्; जसमध्ये एक लाख तीन हजार ५६७ जनाको अवस्था गम्भीर रहेको छ ।
एकल देशको तथ्याङ्कमा कुल सङ्क्रमितमा अमेरिका सबैभन्दा बढी एक करोड २९ लाख ४५ हजार ९४५ जना कुल सङ्क्रमित छन् । पछिल्लो चौबिस घण्टामा अमेरिकामा एक लाख ६५ हजार ९४५ नयाँ सङ्क्रमित देखिएका छन् ।
मृतकको तथ्याङ्कमा पनि अमेरिका नै शीर्षस्थानमा छ । त्यहाँ कुल मृतकको सङ्ख्या दुई लाख ६५ हजार ८२६ जना पुगेका छन् । त्यहाँ आज बिहानसम्मको चौबिस घण्टामा दुई हजार १२१ जना मृतक थपिएका थिए ।
त्यस्तै, निको भएर डिस्चार्ज हुनेमा भारत शीर्षस्थानमा छ । त्यहाँ हालसम्म ८६ लाख ४१ हजार ४०४ जना निको भएर डिस्चार्ज भइसकेका छन् ।
