काठमाडौं । राष्ट्रिय जनमोर्चाका अध्यक्ष चित्रबहादुर केसी अस्पतालबाट डिस्चार्ज हुनुभएको छ । राजधानीको मेडिसिटी अस्पतालमा उपचाररत केसीलाई अस्पतालले मंगलबार साँझ ५ बजे डिस्चार्ज गरेको हो ।
अस्पतालबाट बाहिर निस्केपछि अध्यक्ष केसीले सबैलाई धन्यवाद दिनुभएको छ । आफ्नो स्वास्थ्यप्रति चासो राख्ने र उपचारमा संलग्न सबैप्रति आभारी रहेको केसीले बताउनुभयो ।
‘देश विदेशबाट मेरो स्वास्थ्यप्रति चासो राख्नुहुने पार्टीका साथीहरु, शुभचिन्तक, विभिन्न पार्टीका नेताकार्यकर्ता र सबै जनताप्रति आभारी छु’ केसीले युगदर्शनसँग संक्षिप्त प्रतिक्रिया दिँदै भन्नुभयो, ‘सबै शुभचिन्तक र खासगरी उपचारमा संलग्न चिकित्सक तथा नर्सहरुप्रति धन्यवाद दिन चाहन्छु ।’
अध्यक्ष केसी पेटको दीर्घकालिन रोगले ग्रस्त भएसँगै निमोनिया र डायरियाबाट पीडित भएपछि अघिल्लो मंगलबार पाटनको मेडिसिटी अस्पतालमा भर्ना हुनुभएको थियो ।
उहाँलाई अस्पताल भर्ना भएको भोलिपल्ट कोरोना संक्रमण पुष्टि भएको थियो । मंगलबार सबै रिपोर्टहरु सामान्य आएपछि केसीलाई डिस्चार्ज गरिएको अस्पतालले जनाएको छ ।
यो पनिः
अध्यक्ष केसीको पुनः पीसीआर परीक्षण गरिँदै, रिपोर्ट निगेटिभ आए मंगलबार डिस्चार्ज हुने
अध्यक्ष केसीको पुनः पीसीआर परीक्षण गरिँदै, रिपोर्ट निगेटिभ आए मंगलबार डिस्चार्ज हुने
यस्तो छ, अध्यक्ष केसीको स्वास्थ्य अवस्था
कस्तो छ अध्यक्ष केसीको स्वास्थ्य अवस्था ?
अध्यक्ष केसीलाई कोरोना पोजिटिभ
अध्यक्ष केसीको स्वास्थ्य अवस्थाप्रति राष्ट्रपतिको चासो
‘बुबा र पार्टीको विरुद्ध भाइलाई उपयोग गरियो’
