काठमाडौं । पछिल्लो २४ घण्टामा थप एक हजार ९४६ जनामा कोरोना सङ्क्रमित थपिएका छन् । देशभरका प्रयोगशालामा आठ हजार ७५३ नमुना परीक्षण गर्दा ८१६ महिला र एक हजार १३० पुरुषमा सङ्क्रमण पुष्टि भएको हो ।
यससँगै कोभिड–१९ कुल सङ्क्रमितको सङ्ख्या दुई लाख आठ हजार २९९ पुगेको छ । उनीहरूमध्ये एक लाख ७० हजार ६३२ जना सङ्क्रमणमुक्त भएका छन् भने एक हजार २१५ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ ।
हालसम्म देशभर ३६ हजार ४५२ सक्रिय सङ्क्रमित छन् । उनीहरुमध्ये २७ हजार ७२० होम आइसोलेसनमा छन् भने ३७६ जनाको आइसियू र ७४ जनाको भेन्टिलेटरमा उपचार भइरहेको छ ।
मन्त्रालयका अनुसार काठमाडौँँ उपत्यकामा ८३५ सङ्क्रमित थपिएका छन्, जसमध्ये काठमाडौँका ६४२, ललितपुरका १०५ र भक्तपुरका ८८ जना रहेका छन् ।
यस्तै, आज कास्कीमा २०८ जना, झापामा १२१, रुपन्देहीमा ८२, गोरखामा ६४, काभ्रेमा ५९, मोरङ र कैलालीमा ५२/५२ जना, तनहुँमा ४३, सुनसरीमा ३५, बाँकेमा ३४, डडेलधुरामा १८, बर्दियामा १५, पर्वत र नवलपरासीमा २४/२४ जना, मकवानपुरमा २३, कपिलवस्तुमा २१, बागलुङ र पाल्पामा १९/१९, सिन्धुपाल्चोक र बर्दियामा १५/१५, धादिङमा १४, चितवन, दोलखा र नवलपुरका १२/१२, म्याग्दी र लमजुङमा १०/१० जनामा थप कोरोना सङ्क्रमित देखिएको छ ।
यस्तै बारा, स्याङ्जा, दाङ र कञ्चनपुरमा ९/९, धनुषा र डोटीमा ८/८, पर्सा र महोत्तरीमा ७/७, उदयपुरमा ६, इलाम र सिन्धुलीमा ४/४, सोलुखुम्बु, सिराहा, नुवाकोट, गुल्मी र बैतडीमा ३/३, भोजपुर, रोल्पा र अछाममा २/२ तथा ओखलढुङ्गा, खोटाङ, ताप्लेजुङ, तेह्रथुम, रौतहट, सर्लाही, रामेछाप, दैलेख, सल्यान र दार्चुलामा १/१ जनामा संक्रमण देखिएको मन्त्रालयले जनाएको छ ।
