काठमाडौँ । पछिल्लो २४ घण्टामा नेपालमा थप २ हजार १११ जनामा कोरोना भाइरसको सङ्क्रमण पुष्टि भएको छ। शुक्रबारर स्वास्थ्य तथा जनसङ्ख्या मन्त्रालयले दिएको जानकारीअनुसार पछिल्लो २४ घण्टामा देशभरमा थप २ हजार १११ जनामा कोरोना पुष्टि भएको देखिएको हो ।
योसँगै नेपालमा कोरोना सङ्क्रमितको सङ्ख्या २ लाख ६ हजार ३ सय ५३ पुगेको छ भने सक्रिय सङ्क्रमितको सङ्ख्या ३७ हजार २२ रहेको छ।
त्यसैगरी पछिल्लो २४ घण्टामा थप ३ हजार ५३७ जना निको भएका छन् । यससँगै नेपालमा कोरोनामुक्त हुनेको सङ्ख्या १ लाख ६८ हजार १ सय २९ जना पुगेको छ।
मन्त्रालयका अनुसार पछिल्लो २४ घन्टामा नेपालमा थप १३ जनाको कोरोना सङ्क्रमणबाट मृत्यु भएसँगै कोरोना सङ्क्रमणबाट मृत्यु हुनेको सङ्ख्या १२ सय २ पुगेको छ ।
उपत्यकामा थपिए १२ सय ७ कोरोना संक्रमित
पछिल्लो २४ घण्टामा काठमाडौँ उपत्यकामा थप १ हजार २०७ जनामा कोरोना भाइरसको सङ्क्रमण पुष्टि भएको छ।
स्वास्थ्य तथा जनसङ्ख्या मन्त्रालयले शुक्रबार अपरान्ह दिएको जानकारीअनुसार उपत्यकाका तीन जिल्लामा थप १ हजार २०७ जनामा कोरोना पुष्टि भएको हो। सङ्क्रमित हुनेमा ५२६ महिला र ६८१ पुरुष रहेको मन्त्रालयले जनाएको छ।
मन्त्रालयका अनुसार काठमाडौंमा ९१९, भक्तपुरमा १०८ र ललितपुरमा १८० गरी १ हजार २०७ जनामा कोरोना पुष्टि भएको हो।
योसँगै पछिल्लो २४ घण्टामा देशभर २ हजार १११ जनामा कोरोना पुष्टि भएको मन्त्रालयले जनाएको छ।
