काठमाठौं । अमेरिकाका डेमोक्र्याटिक पार्टीका राष्ट्रपतिका उम्मेदवार बाइडनले राष्ट्रपति निर्वाचनमा आफ्नो जित हुने निश्चित भएको बताएका छन् । केही बेर अघि आफ्नो गृह राज्य डेलावेरबाट सम्बोधन गर्दै उनले भने, ‘हामी अगाडि छौँ । जित्नेछौँ ।’
उनले अमेरिकाको इतिहासमै सबभन्दा धेरै मत आफ्ना पक्षमा आउने बताए।
‘२४ वर्षपछि एरिजोना जित्दैछौँ। २८ वर्षमा जोर्जिया जित्दैछौँ। पेन्सिलभेनिया जस्तो महत्त्वपूर्ण राज्य जित्दैछौँ। रेकर्ड नम्बरले परिवर्तन रोजेका छन्’ उनले भने। आफ्नो भाषणमा, बाइडनले मानिसहरूलाई धैर्यताको लागि अपील गरे ।
उनले भने, ‘तपाईको भोट गणना हुनेछ, मलाई परवाह छैन कति व्यक्तिले यसलाई रोक्न खोजिरहेका छन्, म यसलाई हुन दिनेछैन।’
उनले अमेरिकाको इतिहासमै सबैभन्दा धेरै मत ल्याएर जित्ने दाबी पनि गरे । बाइडनले भने, ‘हामीले सात करोड ४० लाख भन्दा बढी मत प्राप्त गरेका छौं, जुन अमेरिकाको इतिहासमा कुनै पनि राष्ट्रपति पदका उम्मेदवारको मतभन्दा बढी छ।’
यद्यपि उनले आधिकारिक रूपमा आफ्नो जीतको घोषणा गरेका छैनन्।
राष्ट्रपति पदका उम्मेद्वार र पूर्व उपराष्ट्रपति जो बाइडनसँग हाल २५३ चुनावी भोट छ र डेमोक्र्याटिक पार्टीबाट २७० चाहिन्छ।
यदि पेन्सल्भेनिया जित्छ भने, बिडेनले २७० प्राप्त गर्नेछ। बाइडनले जर्जिया, नेभाडा, पेन्सिलभेनिया र एरिजोनामा नेतृत्व गगरेका छन् । यदि बाइडनले जिते भने ट्रम्पले आउँदा जनवरीमा छोड्नुपर्नेछ ।
