काठमाडौं । अखिल नेपाल राष्ट्रिय स्वतन्त्र विद्यार्थी युनियन (छैटौं) सहितका आठ विद्यार्थी संगठनहरुले सरकारको भारतपरस्त चरित्रका कारण देश र जनताको नुर गिरेको बताएका छन् ।
बुधबार संयुक्त विज्ञप्ति प्रकाशित गरी ती संगठनहरुले भारतीय सेनाध्यक्ष मनोजमुकुन्द नरवणेको नेपाल भ्रमणबाट राष्ट्रघातको अर्को श्रृंखला थपिएको स्पष्ट पारेका छन् ।
विद्यार्थी संगठनहरुले नरवणेको नेपाल भ्रमणका साथै केही समयअघि भारतीय गुप्तचर संस्था ‘र’ का प्रमुख सामान्तकुमार गोयल नेपालमा आएर प्रधानमन्त्री समेतका नेताहरुलाई भेटेको विषयमा समेत आपत्ति जनाएका छन् । उनीहरुले यो घटनाबाट ओलीको कथित राष्ट्रवादको मुकुण्डो उदांगिएको आरोप पनि लगाएका छन् ।
‘गोयलले प्रधानमन्त्री केपी शर्मा ओलीलाई ‘वान–टु–वान’ भेटेको र उक्त भेटमा भएका कुराहरु अझैसम्म सार्वजनिक गरिएको छैन । अर्को मुलुकको एउटा सामान्य कर्मचारी रहेका गोयललाई परराष्ट्र नीति, प्रोटोकोल विपरित भेटेका प्रधानमन्त्री ओलीको कथित राष्ट्रवादको मुकुण्डो उदांगिएको छ’ विज्ञप्तिमा भनिएको छ, ‘यस्तो पृष्ठभूमिमा भारतीय सेनाध्यक्ष नरवणेको आजको नेपाल भ्रमणले नेपालका सच्चा क्रान्तिकारी कम्युनिष्ट, राष्ट्रवादी–देशभक्त युवा विद्यार्थीहरुलाई मात्रै नभएर आम नेपाली जनतालाई राष्ट्रघातको अर्को शृङ्खला थपिने कुराले चिन्तित तुल्याको छ ।’
यस्तो छ विज्ञप्ति
