काठमाडौं । संविधानविद् डा भिमार्जुन आचार्यले सरकारले ‘संघीय गणतान्त्रिक नेपाल’ लाई संक्षेपमा ‘नेपाल’ मात्रै लेख्न दिएको निर्देशनको स्वागत गर्नुभएको छ । सरकारको यो कदमले संविधानको उल्लंघन नहुने आचार्यको ठहर छ ।
मंगलबार सामाजिक सञ्जाल ट्वीटमा लेख्दै डा. आचार्यले संघीयता धान्न नसकेर यस्तो कुरा आएको भए त्यो झन् स्वागतयोग्य हुने बताउनुभएको छ ।
आचार्यले लेख्नुभएको छ, ‘मलाई ‘संघीय गणतान्त्रिक नेपाल’ लाई संक्षेपमा ‘नेपाल’ मात्र लेखौं भन्ने सरकारी परिपत्रले संविधानको उलङ्घन गरेजस्तो लाग्दैन। नेपालको ठाउँमा चीन, भारत, सिङ्गापुर वा अरू केही लेखौं भनेको भए आपत्तिको विषय हुन्थ्यो । संघीयता धान्नै नसकेर यस्तो कुरा आएको हो भने त मेरो तर्फबाट स्वागत नै छ ।’
मलाई “संघीय गणतान्त्रिक नेपाल” लाई संक्षेपमा “नेपाल” मात्र लेखौ भन्ने सरकारी परिपत्रले संविधानको उलङ्घन गरेजस्तो लाग्दैन। नेपालको ठाउँमा चीन,भारत,सिङ्गापुर वा अरू केही लेखौ भनेको भए आपत्तिको विषय हुन्थ्यो। संघीयता धान्नै नसकेर यस्तो कुरा आएको हो भने त मेरो तर्फबाट स्वागत नै छ।
— Bhimarjun Acharya (@BhimarjunPhD) November 3, 2020
सरकारले हालै सबै स्थानीय तहहरुलाई परिपत्र गरी ‘संघीय गणतान्त्रिक नेपाल’ शब्द नलेख्न निर्देशन दिएको थियो । साथै यससँग सम्बन्धित संविधानमा रहेका १६ वटा शब्दलाई पनि परिमार्जन गरिएको छ ।
यो पनिः सरकारद्वारा ‘संघीय लोकतान्त्रिक गणतन्त्र नेपाल’ नलेख्न परिपत्र
