तिलक थापा, बागलुङ ।
राष्ट्रिय जनमोर्चा तंग्रामको आयोजनामा बिजयादशमी, दिपावली र छठ पर्वको अवसरमा शुभकामना आदान प्रदान कार्यक्रम आयोजना गरिएको छ । मंगलबार धारा माविको सभाहलमा एक कार्यक्रम गरी शुभकामना आदान प्रदान गरिएको हो ।
कार्यक्रममा राष्ट्रिय जनमोर्चाका केन्द्रीय सदस्य तथा गण्डकी प्रदेश सांसद पियारी थापाले बिजया दशमी, दिपावली र छठ पर्वको अवसरमा शुभकामना ब्यक्त गर्दै भावनासँग जोडिएका चाडपर्व मनाइरहँदा देशको राष्ट्रियता कमजोर बन्दै गइरहेको भन्दै राष्ट्रियता कमजोर बनिरहँदा चाडपर्वमा मात्र रमाउन नसकिने बताउनुभयो । एमसीसी जस्तो राष्ट्रहित बिपरितको परियोजनाले राष्ट्रियता झन कमजोर बनाउने बताउँदै राष्ट्रियताको आन्दोलनलाई सशक्त बनाउन सबैलाई आव्हान पनि गर्नु भयो ।
कार्यक्रममा राष्ट्रिय जनमोर्चा बागलुङका अध्यक्ष अमर थापा, नेपाल युवक संघका पूर्व केन्द्रीय अध्यक्ष तथा राष्ट्रिय जनमोर्चा राष्ट्रिय परिषद् सदस्य तिलक थापा, अखिल नेपाल बुद्धिजीवी संघका केन्द्रीय सदस्य कमला थापा, रक्तिम सांस्कृतिक परिवारका केन्द्रीय सचिव हेमराज पुन, राष्ट्रिय जनमोर्चा बागलुङका सदस्य तथा काठेखोला गाउँसमितिका अध्यक्ष लक्षमण पुन, जातीय समता समाज बागलुङका सचिव तथा काठेखोला गाउँ कार्यपालिका सदस्य टिका संगम बिक, नेपाल कम्युनिस्ट पार्टी (नेकपा) तंग्रामका संयोजक रन बहादुर थापा, अखिल नेपाल भुतपुर्व सैनिक संघ बागलुङका सचिव थिर बहादुर राना, राजमो तंग्रामका सदस्य थम्मन पुन, बुद्धिजीवीको तर्फबाट तुलेन्द्र पुन, शिक्षकहरुको तर्फबाट सरोज थापाले शुभकामना मन्तव्य दिनु भएको थियो ।
कार्यक्रममा अखिल नेपाल जनजाति सम्मेलन बागलुङका उपाध्यक्ष ओम पुन, अखिल नेपाल युवक संघ बागलुङका सदस्य प्रदिप पुन, अखिल नेपाल किसान संघ बागलुङका सदस्य दिल बहादुर पुन, शिक्षक धन प्रशाद पुन लगायतको आतित्थ्यता रहेको थियो । कार्यक्रम वडा समिति तंग्रामका अध्यक्ष बिष्णु कँडेलको अध्यक्षता, भिम बिकको सञ्चालन र वडा सचिव सस बहादुर बिकको स्वागत मन्तव्यमा सम्पन्न भएको थियो ।
