कमल पौडेल,प्युठान ।
प्युठानको मल्लरानी गाउँपालिकाका सबै वडामा राष्ट्रिय जनमोर्चाले भेला तथा प्रशिक्षण गर्ने निर्णय गरेको छ । मंगलबार अध्यक्ष सुर्य बहादुर सार्कीको अध्यक्षतामा बसेको राजमो मल्लरानी गाउँसमितिको बैठकले सबै वडाको बैठक तथा भेला गर्ने निर्णय गरेको हो ।
त्यसका लागि विभिन्न वडामा कार्यक्रमको मितिसमेत तय गरिएको छ । जसअनुसार वडा नं १ मा कार्तिक १६ गते, २ मा १५ गते, ३ मा १४ गते, ४ नं मा १७ गते बैठक गरि साबिकका सबै वडामा भेला तथा प्रशिक्षण कार्यक्रम गर्ने निर्णय गरिएको हो ।
बैठकमा राष्ट्रिय जनमोर्चाका केन्द्रीय सदस्य तथा प्युठान जिल्ला अध्यक्ष कृष्ण बहादुर खड्काले राष्ट्रिय जनमोर्चाले जहिले पनि देश र जनताको हितलाई सर्वोपरी ठानेर वर्गीय मुक्तिको लागि लडिरहेको स्पष्ट पार्नुभयो ।
उहाँले सबै नेता कार्यकर्ताहरुले गाउँ–गाउँमा पुगेर जनताहरुलाई सचेत बनाउन निर्देशन पनि दिनुभयो ।
