टेकराज भुसाल, अर्घाखाँची ।
राष्ट्रिय जनमोर्चाका सक्रिय सदस्य तथा अर्घाखाँची जिल्ला भूमिकास्थान नगरपालिका वडा नम्बर २ अम्लाचौर निवासी स्वर्गीय बिनाराम बन्जाडेको नवौँ दिनमा राष्ट्रिय जनमोर्चा भूमिकास्थान–२ को आयोजनामा श्रद्धाञ्जली सभा सम्पन्न भएको छ।

आज सम्पन्न श्रद्धाञ्जली सभामा राजमोका केन्द्रीय सदस्य झविलाल थापा, पूर्व केन्द्रीय सदस्य सागर केसी, राजमो बागमती प्रदेशका सदस्य पृथ्वी थापा, मल्लरानी गाउँपालिका वडा नम्बर ३ का वडाध्यक्ष तथा पालिका प्रवक्ता गिरिराज पौडेलले बन्जाडेको निधनले गर्दा सिङ्गो पार्टी तथा समाज दुखित भएको बताउँदै स्वर्गीय बन्जाडेले देखाएको बाटोमा लाग्न सम्पूर्णलाई आग्रह गर्दै शोकलाई शक्तिमा परिणत गर्न आग्रह गर्नुभएको थियो ।

श्रद्धाञ्जली सभामा राजमो अर्घाखाँची जिल्ला सल्लाहकार खड्कबहादुर थापा, राजमो भूमिकास्थान नगर सदस्य बाबुराम खनाल, भूमिकास्थान नगरपालिका–१ नम्बर वार्डका वडाध्यक्ष भोजराज खनाल, वार्ड नम्बर २ का वडा अध्यक्ष बुद्धिबहादुर थापा, किसान महासङ्घका जिल्ला सदस्य भुपे खनाल, महिला सङ्घकी जिल्ला सदस्य आरता बेलवासे, समाजसेवी तथा बुद्धिजीवी ननुकान्त भुसाललगायतको उपस्थित रहेको थियो।

सभा स्वर्गीय बन्जाडेका छोरा केशव बन्जाडेको अध्यक्षता र टेकराज भुसालको सञ्चालन सम्पन्न भएको थियो । स्वर्गीय बन्जाडेको ७१ वर्षको उमेरमा असोज २५ गते निधन भएको थियो ।