काठमाडौं । नेपाल कम्युनिष्ट पार्टी (मसाल) राष्ट्रिय जनमोर्चाका अध्यक्ष चित्रबहादुर केसीको चरित्रमाथि आक्षेप लगाउने प्रयत्न भइरहेको भन्दै आपत्ति प्रकट गरेको छ । केसीका विरुद्ध प्रचार गरिने कुनै व्यक्तिगत आक्षेपले उहाँको राजनीतिक चरित्र र नैतिकतामा आँच पुर्याउन नसक्ने पनि मसालले प्रष्ट पारेको छ ।
महामन्त्री मोहनविक्रम सिंहले शुक्रबार एक वक्तव्य प्रकासित गरी नेपालको प्रजातान्त्रिक र वामपन्थि आन्दोलनमा अग्रणी भूमिका निर्वाह गरेका केसीको ब्यक्तिगत कुरा उछालेर राजनीतिक चरित्र हत्या गर्ने प्रयास गरिएको बताउनुुभएको छ ।
नेपालको राजनीतिमा वा कम्युनिस्ट आन्दोलनमा व्यक्तिगत आक्षेपहरू लगाएर चरित्र हत्या गर्ने कार्य लामो समयदेखि हुँदै आएको बताउँदै महामन्त्री सिंहले त्यस्ता आक्षेपले केसीको निश्कलंक छवीमाथि कुनै असर पार्न नसक्ने स्पष्ट पार्नुभएको छ ।
यस्तो छ, महामन्त्री सिंहको वक्तव्य
“कतिपय सञ्चारमाध्यमहरूमा का. चित्रबहादुर के.सी.बारे प्रकाशितव्यक्तिगत समाचार तथा टिकाटिप्पणीप्रति ने.क.पा.(मसाल)को ध्यानआकर्षित भएको छ । उक्तविषयमाने.क.पा.(मसाल)को दृष्टिकोण स्पष्ट गर्नका लागि यो प्रेस विज्ञप्ती जारी गरिएको छ ।
का. के.सी.को व्यक्तिगतजीवनबारे जुनआक्षेपलगाइएको छ, त्यो अराजनीतिक र व्यक्तिगतविषयसित सम्बन्धित छ । उक्तविषयमा गृहमन्त्रालयको निर्देशनमाबाग्लुङको जिल्लाप्रशासनकार्यालयले छानवीन समितिबनाएको कुरा पनिथाहाभएको छ । त्यसबारे उक्त छानवीन समितिले के निष्कर्ष ल्याउने छ र छानवीन समितिको निष्कर्ष कहाँ सम्मतथ्यपरकहुनेछ ? त्यो अगाडि आएपछि नै हामीले त्यसबारे आफ्नो मत प्रकट गर्नु राम्रो हुनेछ ।
त्यो कुरा जे भएपनिव्यक्तिगतविषयसित सम्बन्धितउक्तआक्षेपले उहाँको राजनीतिक चरित्र र नैतिकतामाकुनै आफूचनपु-याउने कुरा हामीले स्पष्ट गर्न चाहन्छौँ ।
नेपालको राजनीतिक र कम्युनिस्ट आन्दोलनमा का. के.सी.को अत्यन्तउज्ज्वल चरित्र रहेको छ । पञ्चायती ताना शाहीकालदेखि नै देशमाचल्दै आएका सबै जनतान्त्रिक र वामपन्थी सङ्घर्षहरूमा उहाँको लामो, महत्वपूर्ण, सक्रिय र जुझारूभूमिका रहूदै आएको छ । नेपालमालोकतन्त्र, गणतन्त्र, राष्ट्रियता, धर्मनिरपेक्षता समेतकापक्षमावा सङ्घीयताका विरूद्ध तथाजनजीवनसित सम्बन्धित विभिन्न प्रश्नहरूमा उहाँको महत्वपूर्ण योगदान रहूदै आएको छ ।
संसदमा र सरकारमा गएको बेलामा कैयौं नेताहरूको राजनीतिक पतनहुने गरेका थुप्रै उदाहरणहरू हाम्रा अगाडि छन् । त्यो अवस्थामा पनि उहाँले आफ्नो निष्कलङ्क चरित्रको प्रदर्शन गर्नुभयो र देशको राजनीतिमा उहाँले आदर्श छवि स्थापित गर्नुभयो । त्यसप्रकारको पृष्ठभूमिमा उहाँका विरूद्ध प्रचार गरिने कुनै व्यक्तिगत आक्षेपले उहाँको राजनीतिकचरित्र र नैतिकतामा आँच पु-याउन नसक्ने कुरा प्रष्ट छ ।
नेपालको राजनीतिमावा नेपालको कम्युनिस्ट आन्दोलनमा पनि व्यक्तिगत आक्षेपहरू लगाएर चरित्रहत्या गर्ने कार्य लामो समयदेखि हुँदै आएको छ । कसैका विरूद्ध राजनीतिकरूपले सङ्घर्ष गर्न नसकेपछि व्यक्तिगत कुराहरू उठाएर वा चरित्रहत्या गर्ने तरिकालाई लेनिनले सिद्धान्तहीन र अराजनीतिक तरिका बताएका छन् । त्यसप्रकारको अभ्यास नेपालको वामपन्थी आन्दोलनमा पनि बारम्बार गरिंदै आएको छ । त्यो सिद्धान्तहीन र अराजनीतिक तरिका अहिले का. के.सी.का सन्दर्भमा पनि देखा परेको छ । हामीले त्यसप्रकारको प्रयासलाई कडा शब्दमाभत्र्सना गर्दछौँ ।
देशी वा विदेशी प्रतिक्रियावादी शक्तिका विरूद्ध का. के.सी.ले लगातार सम्झौताहीन प्रकारले विरोध वा भण्डाफोर गर्ने नीतिअपनाउँदै आएकाले उनीहरू उहाँको विरूद्ध अत्यन्त असन्तुष्ट र क्षुब्धभएको कुनै लुकेको कुरा होइन । सङ्घीयताको लगातार र कडा विरोध गर्ने गरेको हुनाले उहाँको हत्या गर्ने धम्की समेत दिइएको र प्रतिक्रियावादीहरूले उहाँलाई उपप्रधानमन्त्रीबाट वर्खास्त गर्न संसदमा आवाज उठाएको कुरा पनि आमरूपमा थाहाभएको कुरा हो ।
तात्कालिन भारतीय विस्तारवाद, जो अब साम्राज्यवादमा परिणत भएको छ, को चर्को विरोध गरेको हुनाले त्यसले पनि का. के.सी.का विरूद्ध सार्वजनिकरूपले नै अभियान चलाएको थियो । त्यसप्रकारका सबै देशी र विदेशी प्रतिक्रियावादी शक्तिहरूले अहिले का. के.सी.को चरित्रहत्या गरेर उहाँलाई राजनीतिक रूपले नै समाप्त गर्न प्रयत्न गरेको कुरा बुझ्न गाह्रो पर्दैन ।
तर व्यक्तिगत मुद्दालाई उठाएर उहाँको चरित्रहत्या गर्ने प्रयत्न गरे पनि उहाँले पहिले जस्तै र पहिले भन्दा प्रभावशाली प्रकारले आफ्नो राजनीतिक भूमिकालाई अगाडि बढाइरहनु हुनेछ र त्यसकालागि उहाँ सफलहुनु हुनेछ भन्ने हामीले विश्वास प्रकट गर्दछौ ।”
