श्यामलाल पोखरेल, बुटवल । राष्ट्रिय जनमोर्चाले शुक्रबार बुटवलमा सभाको आयोजना गरेको छ । शुरुदेखि संघीयताको विपक्षमा उभिएको राष्ट्रिय जनमोर्चाले सातवटै प्रदेशका राजधानीमा प्रदेशस्तरीय बिरोध सभाको आयोजना गरेको हो । राष्ट्रियता गणतन्त्र र धर्म निरपेक्षताको रक्षा गरौं, संघीयताको खारेज गरौं भन्ने मूल नाराका साथ सभाको आयोजना गरिएको हो ।
सभामा बोल्दै राष्ट्रिय जनामोर्चाका उपाध्यक्ष एवं प्रवक्ता तथा सांसद दुर्गा पौडेलले हिन्दु धर्मको नाममा गणतन्त्रमाथि हमला गरिएको बताउंदै राजतन्त्र व्युताउनेहरु विदेशीको आडमा चलखेल गरेको बताउनुभयो ।
गणतन्त्र, धर्म निरपेक्षताको संरक्षण र संघीयता खारेज गरेर देशलाई अगाडी बढाउनु पर्ने बताउनुभयो । भारतको ग्राइन डिजाइनमा ल्याइएको महङो संघीय प्रणालीलाई नेपाली जनताले धान्न नसक्ने बताउंदै स्थानीय तहलाई थप बलियो बनाएर प्रादेशीक संरचना खारेज नहुंदासम्म देशले गतिलिन नसक्ने दावी गर्नुभयो । उहाँले सरकारले ल्याएको खुकुलो नागरिकता विद्येयक खारेज गर्नुपर्ने बताउंदै कठोर नागरिकता विद्येयक ल्याउनु पर्ने उहाँको भनाइ छ ।
नागरिकता दिने खुकुलो प्रावधानले भोली नेपाली जनता अल्पमतमा पर्ने र भारतको युपीको मेयरमा हारेको व्यक्ती नेपालको संसदमा आउन सक्ने भएकाले यसप्रति सचेत हुनुपर्ने बताउनुभयो । उहाँले यो सरकारले नेपाली जनताको गासवास, कपासको ग्यारण्टी गर्न नसक्ने दावी गर्दै , कपासको ग्यारण्टीका लागि जनवादी सरकार स्थापना हुनुपर्ने बताउनुभयो ।
राष्ट्रिय जनमोर्चाका नेता चन्द्रबहादुर केसीले देश अफठ्यारो अवस्थाबाट अगाडी बढेको र राजतन्त्र स्थापना गर्ने षडेयन्त्र भैरहेको बताउनुभयो ।
विकासको नाममा देशलाई सात प्रदेशमा बाड्नुले नेपालको अवस्था कमजोर बनेको उल्लेख गर्दै सिद्वान्तत संघीयता ठिकै भएपनि नेपालको हकमा संघीयता आवश्यक नहुने बताउनुभयो । नेपाल भारतको सुरक्षित बजार भएकाले भारतले नेपालको विकास देख्न नचाहेको दावी गर्दै भारतले नेपालमा अस्थिरता चाहेको बताउनुभयो ।
प्रदेश सांसद तारा जीसीले गणतन्त्र र धर्म निरपेक्षतामाथि खतरा बढेकाले धर्मको नाममा विदेशीको आडमा राजावादीहरु सलबलाउन खोजेको बताउनु भयो । देशमा भ्रष्टाचार, महङी, कालोबजारी, घुसखोरी तन्त्र मौलाउंदै जांदा पनि दुई तिहाइ बहुमतको सरकार चुप लागेर बसेको बताउनुभयो ।
राष्ट्रिय जनमोर्चा रुपन्देहीका अध्यक्ष वद्रे आलमले मुलुकको राष्ट्रिय एकता, अखण्डतामाथि संघीयताले हमला गरेको बताउनुभयो । झिमरुक गाउँपालिकाका अध्यक्ष तिलक जिसीले पनि मन्तब्य दिनुभएको थियो । नेता बोमबहादुर खत्रीको अध्यक्षता र सोमकुमार कार्कीको सञ्चालनमा भएको कार्यक्रममा रक्तिमका कलाकारहरुले गीत तथा नृत्य प्रस्तुत गर्नुभएको थियो । सभा हुनुअघि राजमार्गा चौराहाबाट विभिन्न नारा लेखिएको व्यानर र प्लेकार्डसहितको जुलुस निकालिएको थियो ।
