रवि पौडेल

बाधा–अड्चन फुकाउँदै
जन्म लियौ
युगदर्शन तिमी
इँटाको बदला पत्थर उठायौ
तोडेकोलाई जोड्न
हजारौँलाखौँ कार्यकर्ताको मनमा
बस्न सफल तिमी
आँधीहुरी र अप्ठ्यारोमा पनि
कठिन परिस्थितिको सामना गर्दै
अघि बढेका छौ
युगदर्शन तिमी ।

अझै अघि बढ्दै जाऊ
दुखी, गरिब र बेसहाराको
गाथा लेख्दै, सुनाउँदै
सहरबस्तीभरि
सामन्ती जालो च्यात्न
हजारौँ पीडितको आवाज
बुलन्द गर्दै अघि बढेका छौ
युगदर्शन तिमी ।

अन्यायी शोषकको विरुद्धमा
विषम बम बनी
युगदर्शन तिमी ।

पाइला रोकिने छैनन्
न त थाक्ने छन् कलमका निब
न त चिप्लिने छ तिम्रो दर्शन
त्यसैले
तिम्रो नाम नै ‘युगदर्शन’ ।

युग युगसम्म
गन्तव्यको गोरेटोमा झुक्दै नझुकी
थाक्दै नथाकी
सफलताको सिखर चुम्न
पछि नहट्नू
यही छ शुभकामना
शुभकामना, शुभकामना ।