धनबीर पुन, नयाँ दिल्ली ।
भारतका केन्द्रीय रेल राज्यमन्त्री सुरेश अंगडीको निधन भएको छ । बुधवार, उनले ६५ वर्षको उमेरमा नयाँ दिल्ली स्थित एमस अस्पतालमा अन्तिम सास लिएका हुन् । केही दिन अघि उनी कोरोना संक्रमित भएका थिए ।

उनले ट्वीट गरेर भनेका थिए, आज, ‘अनुसन्धानले कोरोनाबाट संक्रमित भएको पुष्टि गरेको छ । मेरो अवस्था ठीक छ । डाक्टरहरूको सल्लाह लिँदै गत केही दिनमा मसँग सम्पर्क राखेका सबै व्यक्तिहरूलाई उनीहरूको स्वास्थ्यमा ध्यान दिन र कुनै लक्ष्ण देखाप¥यो भने जाँच्न म अनुरोध गर्दछु ।’

I have tested #Covid19 positive today. I am doing fine. Taking the advise of doctors.

Requesting all those who have come in close contact with me in the last few days to monitor their health and get tested in case of any symptoms. @PMOIndia

— Suresh Angadi (@SureshAngadi_) September 11, 2020

हालसम्म भारतमा कोरोना केसहरू बढ्दो छ । बुधबार, यहाँ ८३,३४७ नयाँ संक्रमित भेटिएका छन् । यसरी देशमा संक्रमितहरुको कुल संख्या ५६ लाख नाघेको छ ।