काठमाडौँ । युगदर्शन डट कमले यही २०७७ असोज ७ गतेदेखि एक वर्ष पूरा गरेर दोस्रो वर्षमा प्रवेश गरेकोमा राष्ट्रिय जनमोर्चाले नियमित प्रचार र उन्नतिको शुभकामना व्यक्त गरेको छ । अध्यक्ष चित्रहादुर केसीको हस्ताक्षरमा आजै वक्तव्य प्रकाशित गर्दै शुभकामना दिइएको हो ।

वक्तव्यमा भनिएको छ–

“युगदर्शन अनलाइन पत्रिका सञ्चालन भएको एक वर्ष पूरा भएको समाचारले हामीलाई अत्यधिक खुशी लागेको छ ।

यो अनलाइन सञ्चालन हुन लागेको केही महिनामै कोरोना भाइरस (कोभिड–१९) को प्रकोपका कारणले विश्वभर र नेपालमा पनि मानिसको जीवन कष्टकर बन्यो । यसको असर मिडिया क्षेत्रमा पनि पर्याे । यस्तो प्रतिकूल स्थितिमा युगदर्शन अनलाइन नियमित रूपमा प्रसारण भयो । यसबिचमा राष्ट्रिय जनमोर्चासहित समाज र राज्यका विभिन्न गतिविधि र समाचार जनताको बिचमा पुग्यो । यसमा प्रकाशित लेख, टिप्पणीहरू पनि महत्त्वपूर्ण रहे ।

युगदर्शन साप्ताहिक पत्रिकाको प्रकाशन गर्न सम्भव नभएको अवस्थामा अनलाइन प्रकाशनले महत्त्वपूर्ण भूमिका खेल्यो ।

यस अनलाइन प्रकाशनमा लाग्नुभएका साथीहरूलाई धन्यवाद दिन चाहन्छु ।

पत्रकारिता जगत्मा अब अनलाइनको महत्त्वपूर्ण भूमिका हुने छ । आगामी दिनमा पनि यसको नियमित प्रसार र उन्नतिका लागि हार्दिक शुभकामना व्यक्त गर्दछु ।”