जगत प्रसाद रेग्मी

अटुट अजय र उदयमान मेरो आस्था
कसैले गल्फत्ती लाउदैमा
डगमगाउँदैन
बरु हिमाल झैं
झन ठाडो र उच्च हुन्छ
कसैले फिरस्ती लाउदैंमा
ओझेलमा पर्दैन
बरु विश्व भरी झाङिन्छ
चारै तिरबाट आक्रमण नभएको कहिले छ र
बाछिट्टाहरु आफै तिलमिलाएका छन्
बोलोप अनि अस्ताएका छन्
बिकृतिको पर्खाल तोद्डै
निरन्तर दौडिरहेको छ
मेरो आस्था

हार्दैन न ओझेलमा नै पर्छ
समाजको दुरगामी पहरेदार
कसैको रिस ईर्ष्या अनि छोब
बिचारमा अनि सहनशीलता मा सुन्यता हुँदा
अकर्मण्यता बिग्रह कसैको त पेशा नै बन्दा
सच्चाइ ,कर्म,बिद्रोह ,अनि सेवा
दिब्य उषाको लालि बगिरहेको छ
मेरो आस्था

सबैले दिन सक्ने कहाँ हो र
त्याग बलिदान जनमा
अदम्य हिम्मत अनि उत्साह
दीर्घकालीन सोच अनि उद्देश्य
आचरण ,सहनसिलता अनि देशभक्त्ति
यो अदम्य सोचले भरिपुर्ण
मेरो आस्था

गर्भबाटै आक्रमण सहदैं
हुर्किदैं बिरोधिलाई पछार्दैं
थुप्रै हावाहुरी छिचोल्दै
अनेकौ बाधा ब्यबधान जित्दै
अस्तित्व कायम गरेको
मेरो आस्था

कसैले ढाल्न खोज्दैमा
छेदबिछेदको कल्पनामा डुबेर
नानाथरी तानाबाना बुन्दैमा
सुरुङ्ग भित्रबाट ससार पल्टाउन खोज्दैमा
हल्लिदैन मेरो आस्था
बरु खरानी भएर जाने छन्
गर्ल्यामगुर्लम ढल्नेछन
पराईका सुराकी स्तम्भहरु
महान मेरो आस्था

निरन्तर महासागर बनेर
बगि रहने छ बगिरहने छ
सन्सार जित्ने मेरो आस्था
मानव जाती कै दियो बनेर
लम्किरहने चम्किरहने छ
मेरो आस्था

लम्किरहने छ चाम्की रहने छ
मेरो आस्था।