काठमाडौँ । प्रशिद्ध कवि माधवप्रसाद घिमिरेको निधनप्रति प्रगतिशील लेखक सङ्घले श्रद्धाञ्जली प्रकट गरेको छ ।
२०७७ भदौ ३ गते अध्यक्ष प्रा.डा. जीवेन्द्र देव गिरी र महासचिव समीर सिंहको हस्ताक्षरमा जारी प्रेसवक्तव्य मार्फत् प्रलेसले श्रद्धाञ्जली तथा शोकसन्तप्त परिवारजनमा समवेदना प्रकट गरेको छ ।
प्रेसवक्तव्यमा अगाडि भनिएको छ–
“प्रसिद्ध कवि माधव घिमिरेको यही २०७७ भदौ २ गतेका दिन निधन भएकोमा प्रगतिशील लेखक सङ्घ, नेपाल शोक व्यक्त गर्दै उहाँप्रति हार्दिक श्रद्धाञ्जली प्रकट गर्दछ । साथै दुःखको यस घडीमा उहाँका शोकविह्वल परिवार जनमा प्रलेस हार्दिक समवेदना व्यक्त गर्दछ । उहाँ हामीमाझ नरहे पनि “नेपाली हामी रहौँला कहाँ नेपाल नरहे” जस्ता गीत मार्फत् उहाँले आफ्ना सिर्जनाका माध्यमबाट राष्ट्रको गौरवगानका साथ राष्ट्रियताको संवर्धनमा गर्नुभएको विशिष्ट योगदान उल्लेखनीय छ र राष्ट्रप्रेमी नेपालीहरूले त्यसलाई सदा स्मरण गरिरहने छन् ।”
