काठमाडौँ । यू–१९ महिला विश्वकप क्रिकेटका कुल ४१ मध्ये १५ खेल नेपालमा हुने भएका छन् ।
अन्तर्राष्ट्रिय क्रिकेट परिषद् (आइसिसी) ले सार्वजनिक गरेको तालिकाअनुसार खेलहरू त्रिवि क्रिकेट मैदान र मुलपानी क्रिकेट मैदानमा हुने तय भएका हुन् ।
विश्वकप आगामी जनवरी २१ देखि फेब्रुअरी ६ सम्म हुने विश्वकप नेपाल र बङ्गलादेशले संयुक्त रूपमा आयोजना गर्दैछन् ।
प्रतियोगिताको उद्घाटन खेलमा बङ्गलादेश र युएई भिड्नेछन् । ग्रुप ए मा नेपालसँगै भारत, वेस्ट इन्डिज र आयरल्यान्ड रहेका छन् । ग्रुप बीमा साउथ अफ्रिका, पाकिस्तान, न्युजिल्यान्ड र समोवा रहेका छन् ।
त्यस्तै ग्रुप सीमा अस्ट्रेलिया, बङ्गलादेश, युएई र नाइजेरिया रहेका छन् भने ग्रुप डीमा इङ्गल्याढ, श्रीलङ्का युएसए र स्कटल्यान्ड रहेका छन् ।
नेपालले पहिलो खेल जनवरी २२ का दिन आयरल्यान्डसँग खेल्नेछ । खेल त्रिवि क्रिकेट मैदानमा हुनेछ ।
