तौलिहवा । महिलानेतृ अम्बिकादेवी शर्मा पौडेलद्वारा लिखित ‘सङ्कल्पको मेरो यात्रा’ आत्मकथा पुस्तक विमोचन भएको छ ।
२०८३ कात्तिक १ गते आइतबार कपिलवस्तुको ४ नम्बर जितपुरमा आयोजित एक कार्यक्रममाझ सो कृति विमोचन गरिएको हो ।
कार्यक्रममा अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेलले पुस्तकको विषयमा चर्चा गर्दै उहाँको जीवनसङ्घर्ष, कम्युनिस्ट आन्दोलनमा योगदानलगायतका विषयमा चर्चा गर्नुभएको थियो ।
सो अवसरमा मूल प्रवाह अखिल भारत नेपाली एकता समाजका केन्द्रीय सल्लाहकार ठाकुर खनाल, राष्ट्रिय जनमोर्चा केन्द्रीय सल्लाहकार दधिराम आचार्य, नेकपा (मसाल) कपिलवस्तुका प्रवक्ता माधव भाटक्षेत्री, राजमो कपिलवस्तुका अध्यक्ष रामप्रसाद बेलबासे, अखिल नेपाल युवक सङ्घ कपिलवस्तुका उपाध्यक्ष अभिषेक आचार्य, अखिल नेपाल राष्ट्रिय उद्योग व्यापार सङ्घ कपिलवस्तुका निवर्तमान अध्यक्ष खिमानन्द पौडेल, अखिल नेपाल महिला सङ्घकी अध्यक्ष शारदा खनाल र अप्फा कपिवस्तुका सिद्धि आचार्यलगायतको आतिथ्य रहेको थियो ।
प्रगतिशील पत्रकार सङ्घका केन्द्रीय सदस्य मोहन बेलबासेले सञ्चालन गर्नुभएको उक्त कार्यक्रमको अध्यक्षता लेखिका अम्बिकादेवी शर्माले गर्नुभएको थियो ।
