काठमाडौं, १ भदौ । प्रतिनिधिसभामा विपक्षी दलका सांसदहरूले ७८ दिनदेखि गर्दै आएको विरोध सोमबारबाट हटेको छ। सभामुख डीपी अर्यालले प्रधानमन्त्री बालेन शाहलाई प्रतिनिधिसभा नियमावलीअनुसार प्रत्यक्ष प्रश्नोत्तर कार्यक्रममा सहभागी भई सांसदका प्रश्नको जवाफ दिन रुलिङ गरेपछि विपक्षी सांसदहरू विरोधबाट पछि हटेका हुन्।
विपक्षी दलहरूले जेठ १७ गतेदेखि प्रधानमन्त्री शाहले भारतसँगको सीमा विवादबारे दिएको अभिव्यक्तिमा स्पष्टीकरण माग गर्दै संसद्मा निरन्तर विरोध गर्दै आएका थिए। साथै, प्रधानमन्त्रीसँग प्रत्यक्ष प्रश्नोत्तर कार्यक्रम सञ्चालन गर्नुपर्ने माग पनि उनीहरूको थियो।
सभामुखले सीमा विवादसम्बन्धी अभिव्यक्तिबारे प्रत्यक्ष जवाफ नदिई प्रधानमन्त्रीलाई नियमावलीका विभिन्न व्यवस्थाअनुसार प्रश्नोत्तरमा सहभागी हुन रुलिङ गरे। त्यसपछि विपक्षी सांसदहरू बसेसँगै संसद्मा ७८ दिनदेखि जारी विरोध अन्त्य भएको हो।
