काठमाडौं, असार २७ । चीनका राष्ट्राध्यक्ष तथा चिनियाँ कम्युनिष्ट पार्टीका महासचिव सि जिङपिङ र उत्तर कोरियाली श्रमिक पार्टीका महासचिव तथा राज्य मामिला आयोगका अध्यक्ष किम जोङ उनले चीन–उत्तर कोरियाबीचको मैत्री, सहयोग तथा पारस्परिक सहयोग सन्धि भएको ६५औँ वार्षिकोत्सवका अवसरमा बधाई सन्देश आदानप्रदान गरेका छन्।

सन्देशमा सी चिनफिङले सन् १९६१ मा भएको उक्त सन्धिले दुई देशबीचको परम्परागत मित्रतालाई सुदृढ बनाउँदै क्षेत्रीय तथा विश्व शान्ति र स्थिरतामा महत्त्वपूर्ण योगदान पुर्‍याएको उल्लेख गरेका छन्। उनले दुवै देशले सन्धिको भावनाअनुसार एकअर्कालाई निरन्तर सहयोग र समर्थन गर्दै आएको बताएका छन्।

किम जोङ उनले पनि उत्तर कोरिया–चीन सम्बन्धलाई दुवै देशको साझा रणनीतिक सम्पत्ति भएको उल्लेख गर्दै बदलिँदो अन्तर्राष्ट्रिय परिस्थितिमा द्विपक्षीय सम्बन्धलाई अझ सुदृढ बनाउँदै समाजवादी सहकार्यलाई नयाँ उचाइमा पुर्‍याउने प्रतिबद्धता व्यक्त गरेका छन्।