काठमाडौँ, साउन ६ । अखिल नेपाल ट्रेड युनियन महासंघ (अन्टुक)ले श्रमिकहरूको अधिकार, सामाजिक सुरक्षा तथा ट्रेड युनियन अधिकारको सुनिश्चितताका लागि आन्दोलनका विभिन्न कार्यक्रम सञ्चालन गर्ने जनाएको छ ।
महासंघका कार्यवाहक अध्यक्ष धनपति सापकोटाले जारी वक्तव्यमा केन्द्रीय कार्यसमितिको निर्णयअनुसार श्रमिक आन्दोलनप्रति ऐक्यबद्धता जनाउँदै विभिन्न चरणका आन्दोलनका कार्यक्रम सम्पन्न भइरहेको उल्लेख गरिएको छ।
वक्तव्यमा श्रमिकहरूले भोग्दै आएका राज्यको दमन, शोषण तथा श्रम अधिकारमाथिको हस्तक्षेप अन्त्य गर्न सरकारको ध्यानाकर्षण गराइएको छ। साथै, सबै श्रमिकका लागि सामाजिक सुरक्षा, ट्रेड युनियन अधिकारको सुनिश्चितता र मौलिक रोजगारीको अधिकारको पूर्ण कार्यान्वयन गर्न माग गरिएको छ।
महासंघले वर्तमान आर्थिक संकट, बढ्दो महँगी, शिक्षा, स्वास्थ्य, खाद्यान्न तथा यातायातजस्ता आधारभूत सेवामा सर्वसाधारणको पहुँच सहज बनाउन सरकारसँग आग्रह गरेको छ ।
अन्टुकले चालक गणेश नेपालीको मृत्यु घटनालाई दुःखद र निन्दनीय भन्दै सरकारको कडा आलोचना गरेका छ ।
