लिमा । पेरूमा वामपन्थी विरोधी केइको फुजिमोरी नेतृत्वमा शासन सुरु हुन थालेको छ । अमेरिकी कठपुतलीको आरोप लागेका अल्बर्टो फुजिमोरीकी ५१ वर्षीया छोरी केइकोले आगामी जुलाई २८ मा राष्ट्रपतिको रूपमा शासन सुरु गर्न लागेकी हुन् ।
अन्तरिम राष्ट्रपति होसे मारिया बाल्काजारबाट उनले पदभार ग्रहण लागेकी हुन् । उनको कार्यकाल सन् २०३१ सम्म रहनेछ ।
सन् १९९० देखि सन् २००० सम्म पेरूको नेतृत्व गरेका अल्बर्टो पेरू कम्युनिस्ट पार्टी साइनिङ पाथमाथि चरम दमन गरेका थिए । केही समयपछि उनको शासन पतन भएको थियो ।
उनको शासनमा भ्रष्टाचार तथा मानवअधिकार उल्लङ्घनलगायतका विभिन्न समस्या देखा परेको थियो ।
यता, नवनिर्वाचित राष्ट्रपति केइकोले आफ्नो विजयसँगै देशमा ‘नयाँ अध्याय’ सुरु भएको घोषणा गरेकी छिन् । पेरूको निर्वाचनसम्बन्धी सर्वोच्च निकायले शुक्रबार उहाँको झिनो मतान्तरको जितलाई औपचारिक रूपमा प्रमाणित गरेको हो ।
निर्वाचन निकायको घोषणासँगै पेरूको इतिहासकै सबैभन्दा प्रतिस्पर्धात्मक राष्ट्रपतीय निर्वाचनको टुङ्गो लागेको छ, साथै पछिल्लो एक दशकमा पेरूले नवौँ राष्ट्रपति पाएको छ ।
निर्वाचन प्रमुख रोबर्टो बुर्नेओले राजधानी लिमामा आयोजित समारोहमा फुजिमोरीलाई गणतन्त्रको राष्ट्रपति तथा लुइस फर्नान्डो गालारेटालाई प्रथम उपराष्ट्रपतिमा निर्वाचित भएको घोषणा गरेका थिए ।
घोषणापछि फुजिमोरीले आफ्नो दलको मुख्यालयबाट सम्बोधन गर्दै पेरूमा कानुनी शासन, संस्थागत स्थायित्व र सार्वजनिक सुरक्षालाई पुन: स्थापित गर्ने प्रतिबद्धता व्यक्त गरिन् ।
यसअघि तीनपटकको राष्ट्रपति निर्वाचनमा पराजित भएकी केइको चौथो प्रयासमा वामपन्थी उम्मेदवार रोबर्टो सान्चेजलाई पराजित गर्दै निर्वाचित भएकी थिइनन् । उनले ५०.१३ प्रतिशत मत प्राप्त गर्दा सान्चेजले ४९.८६ प्रतिशत मत प्राप्त गरेका थिए । (रासस/एएफपी)
