काठमाडौँ । संविधान संशोधन गरेर महिला र दलित समुदायको पृथक निर्वाचन क्षेत्र निर्धारण गर्नुपर्ने विषयमा छलफल चलाउन अन्तरक्रिया हुने भएको छ ।

अखिल नेपाल महिला सङ्घ र जातीय समता समाजको आयोजनामा सो अन्तरक्रिया आगामी जेठ ३० गते शनिबार हुन थालेको हो ।

बागगबाजरस्थित हार्दिक होटलमा दिउसो १ बजेबाट सुरु भएको उक्त कार्यक्रमको विषयशीर्षक ‘संविधान संशोधनको सन्दर्भमा महिला र दलित समुदायका लागि छुट्टै निर्वाचन क्षेत्र निर्धारण” रहेको छ ।

कार्यक्रममा उक्त विषयमा अवधारणापत्र राष्ट्रिय जनमोर्चाका महासचिव मनोज भट्टले प्रस्तुत गर्नुहुनेछ ।

सो अन्तरक्रियामा विभिन्न पार्टीका सरोकारवाला पार्टी तथा सङ्घसंस्थाको उपस्थिति हुने आयोजकले जानकारी दिएका छन् ।