काठमाडौं । पछिल्लो समय विश्वभर संक्रमित र मृत्यु हुनेको संख्या बढ्दै गइरहेको छ । वर्ल्डमिटर्सका अनसार कोरोना भाइरसको संक्रमणका कारण विश्वमा ६ लाख ७६ हजार भन्दा बढी मानिसले ज्यान गुमाएका छन् ।
शुक्रबार बिहानसम्म विश्वभरमा संक्रमितको संख्या १ करोड ७४ लाख ७४ हजार ६ सय ९१ पुगेको छ । विश्वभरमा कोरोनाबाट संक्रमण भएका १ करोड ९ लाख ३७ हजार ७ सय ७१ जना उपचारपछि निको भएका वर्ल्डमिटर्सले जनाएको छ ।
हालसम्म अमेरिकामा मात्र कोरोनाको संक्रमणबाट १ लाख ५५ हजार २ सय ८५ जनाको मृत्यु भएको छ भने संक्रमितको संख्या ४६ लाख ३४ हजार ९ सय ८५ पुगेको छ ।
त्यस्तै ब्रजिलमा कोरोनाको संक्रमणबाट मुत्यु हुनेको संख्या ९१ हजार ३ सय ७७ पुगेको छ भने संक्रमितको संख्या २६ लाख १३ हजार ७ सय ८९ पुगेको छ । त्यस्तै अर्को देश रसियामा कोरोनाबाट मृत्यु हुनेको संख्या १३ हजार ८ सय २ पुगेको छ भने संक्रमितको संख्या ८ लाख ३४ हजार ४ सय ९९ पुगेको छ ।
भारतमा भयावह बन्दै
भारतमा कोरोनाभाइरसको संक्रमण दिनानुदिन बढ्दै गएइरहेको छ । पछिल्लो दिनमा भारतमा एकैदिन ५० हजारको दरमा कोरोना संक्रमण देखिन थालेको छ । वर्ल्डमिटर्सका अनुसार पछिल्लो २४ घण्टामा भारतमा ५४ हजार ९६६ जना कोरोना संक्रमित थपिएका छन् ।
यससँगै हालसम्म भारतमा कोरोना संक्रमितको संख्या १६ लाख ३९ हजार ३५० पुगेको छ । त्यस्तै भारतमा पछिल्लो २४ घण्टामा ७८३ जनाको मृत्यु भएको छ भने कुल मृत्यु हुनेको संख्या ३५ हजार ७८६ पुगेको छ । यस्तै हालसम्म १० लाख ५९ हजार ९३ जनाले कोरोनालाई जितेर घर फर्किसकेका छन् ।
