दीप गोले तामाङ

उठ्दैछ जुट्दैछन्
रक्तिम योद्धाहरू
हाम्रा अगाडि थुप्रै चुनौती छन्
विघ्नबाधा छन्
तर पनि आउँदैछौँ
जनताको मुक्तिका आवाज बोकेर
देशका सहरमा गाउँबस्तीमा
न्यायको
अधिकारको
वर्गसङ्घर्षको
गीत, नृत्य, नाटक देखाउँदै
देश जलेको छ
देश ढलेको छ
सुकुम्वासीका, मजदुरका
सपना मरेका छन्
अझै उस्तै छ
राजनीतिमा जालझेल
जनता मार्ने खेल
जनतालाई झुक्याई
सत्तामा रमाईरहेको छ
अन्यायका विरुद्ध लड्न
शोषकका विरुद्ध लड्न
प्रतिगामीका विरुद्ध लड्न
अधिनायकका विरुद्ध लड्न
अझ जोसका साथ
अझ होसका साथ
कम्मर कसेर
जनताको घरदैलोमा पुग्दैछौँ
परिवर्तनको सन्देश बोकेर
नयाँ युगको आह्वान गरेर