काठमाडौं । पुनर्निर्माण सम्पन्न हुने चरणमा रहेको रानीपोखरीमा पानी भरिएको छ । राष्ट्रिय पुनर्निर्माण प्राधिकरणका सीईओ सुशील ज्ञवालीले रानीपोखरीमा पानी जम्मा भएको भिडियो ट्वीटरमा सेयर गर्नुभएको छ ।

२०७२ सालमा गएको भूकम्पले क्षतिग्रस्त बनेको रानीपोखरीको पुनर्निर्माण वैशाखमा सक्ने प्राधिकरणको लक्ष्य रहेपनि लकडाउनका कारण लम्बिएको हो । पोखरीभित्र कालोमाटो भर्ने र इँटा छाप्ने काम सकिएको प्राधिकरणले जनाएको छ ।

सम्पदाविद् राजु मालन्धरका अनुसार रानीपोखरीमा पानी भर्नका लागि तीन करोड ४० लाख लिटर पानीको आवश्यक पर्दछ ।

अहिले बालगोपालेश्वर मन्दिर पुनर्निर्माणको काम तिब्र गतिमा भइरहेको छ ।

खुशीको कुरा यो छ कि, रानीपोखरीको चारैतिर पानी संकलन भएको छ । pic.twitter.com/nDsuBcXePA

— Sushil Gyewali (@Sushilgyewali) July 28, 2020