कपिलवस्तु, तौलिहवा । राम प्रसाद खनाल (रुद्रमनि) को निधन भएको छ । उहाँको हिंजो वैशाख १९ गते निधन भएको थियो । कपिलवस्तु जिल्ला शिवराज नगरपालिका वडा नं ३ नयाँबस्ती निवासी खनाल ९१ वर्षको हुनुहुन्थ्यो । उहाँको पार्थिव शरीर लाई आज बेल नदी घाटमा अन्तेष्टि गरिएको छ ।
नेकपा (मसाल) का प्रतिनिधि रामप्रसाद बेल्बासेले पार्टीको झण्डा ओढाई उहाँप्रति श्रदान्जली व्यक्त गर्नु भएको थियो । पारिवारिक तथा राजनीतिक जीवनको बारेमा केरसिंह अदैले प्रकाश पार्नु भएको थियो ।
स्मृतशेष रामप्रसाद खनाल, अर्घाखाँची जिल्लाको साविक बागी गाविस, हाल मल्लरानी गाउँपालिका ५ आतीघरबाट बसाइँसराइ गरी कपिलवस्तु आउनु भएको थियो । उहाँ २०१५ सालदेखि नै कम्युनिस्ट पार्टीमा अवद्ध भई पञ्चायतको विरुद्धमा गाउँफर्क अभियान पछि अर्घाखाँचीमा उपप्रधानपञ्च समेत चुनिनुभएको थियो ।
उहाँका तीन भाई छोराहरू चेतनारायण खनाल, बाबुराम नेत्र खनाल, लेखनाथ खनाल हुनुहुन्छ । उहाँको एक छोरी शान्ता हुनुहुन्छ ।
स्मृतीशेष खनाल २/३ वषदेखि दम तथा श्वासप्रस्वास सम्बन्धी रोगबाट पीडित हुनुहुन्थ्यो ।
