धनवीर पुनमगर ##

मार्‍यो नि हाय महँगी कस्तो तेरो चाल
दिनदिनै बढ्छ मूल्य, सकिन्छ जनताको हाल

भान्साको धुँवा पातलो थालमा सानो भाग,
रातभरि चिन्ता बढ्छ, कहाँबाट ल्याउने आज ?

नुनदेखि तेलसम्म सबै भयो महँगी
पसल पुग्दा लाग्छ सपनाजस्तो तङ्ग्री

कमाइ त्यही पुरानै खर्च भने आकाश
जीवन बाँच्नै गाह्रो छैन कुनै आश

बच्चाको सपना टुट्छ स्कुलको फी बढ्दा
आमाको आँखामा आँसु औषधी किन्न नसक्दा

बाबुको पसिना सुक्छ श्रमको मूल्य घट्दा
महँगी चोटले, मनभित्र आगो बढ्दा

हे सरकार सुन न जनताको यो पुकार
कसरी बाँच्ने यहाँ बढ्दैछ जब भार

हाय सरकार कहिले हुन्छ अन्त्य तेरो ?
जनताको दु:खमा कहिले झर्छ स्नेह तेरो ?