इस्लामावाद । पाकिस्तानमा आइतबार एक उग्र भिडले कराचीस्थित अमेरिकाको वाणिज्य दूताबासमा आक्रमण गर्दा ज्यान गुमाउनेको सङ्ख्या नौ पुगेको छ ।

आक्रमणकारीले दूताबासको बाहिरी सुरक्षा घेरा तोडेर भवनका केही भागमा आगजनी गर्दा भवनका केही हिस्सामा आगो लागेको थियो ।

घटनाको सुरुमा छ जनाको मृत्यु भएको बताइएको थियो तर पाकिस्तानी अनलाइन डनका अनुसार अहिलेसम्म मृतकको सङ्ख्या नौ पुगेको छ ।

इदी फाउन्डेसनको उद्धार टोलीका अनुसार प्रदर्शनकारीले दूताबासमा पस्ने कोसिस गरेका थिए । त्यसपछि पुलिसले भिडलाई हटाएको थियो, जसका क्रममा कयौँ मानिस घाइतेसमेत भए ।

इडीको विज्ञप्तिअनुसार स्थिति नियन्त्रणमा लिन कानुन कार्यान्वयन निकायले अश्रुग्याँस प्रहार र लाठीचार्ज गर्नुपरेको थियो । (एजेन्सी)