रवि पौडेल ###
नेपालीको वामपंथी आन्दोलन होस् या प्रजातान्त्रिक आन्दोलन होस् जहाँ पनि जहिले पनि बाहिरि हस्तक्षेप हुँदै आएको छ । दल फुटाउन होस् या सरकार ढलाउन होस् दक्षिणी साम्राज्यवादले यस्तै भुमिका मात्रै होइन छिमेकी राट्रहरूमा अशान्ति मञ्चाउने, स्थायी सरकार हुन नदिने र आफ्नो अनुकूलको ब्यक्ति वा पार्टी रोज्ने गरेको छ । खुल्ला सिमाना र छिमेकी मित्रराष्ट्रको नाममा गरेको यस्तो व्यवहार वास्तवमा नेपाली समाज र राष्ट्रप्रेमि जनतालाई संघीयता हुँदैन र पटकपटक यहि हुँदै आएको छ ।
विपि, मातृका, गिरीजा कोइरालादेखि देउवा–ओलि हुँदै, प्रचण्डसम्मलाई छिमेकीले नचाइरहेको छ । गण्डकी, कोशी र महाकालीका ठुलाठुला सम्झौता र राष्ट्रघातका शृङ्खला यिनै दल र ब्यक्तिहरूबाट हुँदै आएका हुन् । पछिल्लो समयमा नागरिकता बिधेक, एमसिसीदेखि यसपिपिसम्मको सम्झौता गरेर धेरै परको साम्राज्यवादलाई भित्राउनेका गरे, जसको फलस्वरूप गत भदौ २३ र २४ गतेको घटना घट्यो । जेनजी पुस्ताको नाममा गरिएको यो आन्दोलनको भित्र रहस्य अर्कै थियो भन्ने कुरा अब प्रमाणित भएको छ । तर लुकेको कुरा कसले पत्याउने र कसरी बुझाउने ?
भदौ २३ गते जुन विद्यार्थिहरू मारिए त्यो खेदजनक छ । तर यति धेरै मानिसहरू मारिनु ‘२४ गते विध्वंश गर्नु यो एउटा सुनियोजित षड्यन्त्र थियो भन्ने कुरा स्कुल र कलेजको ड्रेसमा आउनु, पानीको बोटल र छाता पनि ल्याउनु भन्ने भित्रि षड्यन्त्रको बिस्तारै प्रदाफास हुँदै गएको छ ।
जुन दिन १९ जना जेनजीहरू मारिए त्यो दिन सबैभन्दा खुसि रास्वपा र रवि लामिछाने थिए । १९ जनाको रगत सडकमा बगिरहँदा रास्वपाका कार्यकर्ता नख्खु जेलमा रवि छुटाउन ब्यस्त थिए । उनीहरू यति धेरै खुसी देखिन्थे कि १९ जनको रगत र घाइतेका परिवारको पीडा उनीहरू बुझ्न सक्ने अबस्थामा थिएनन् । किन कि रविलाई छुटाउने र तालि लगाई खुसियाली मनाउन ब्यस्त देखिन्थे । विस्तारै खुल्दै गयो कि देशभरि विध्वंसात्मक गतिविधि गर्नेहरूमा काँग्रेस र एमालेका कार्यकर्ता भन्दा रास्वपाका कार्यकर्ता धेरै अग्रसर भएको अब उनीहरूले पनि यो कुरा लुकाउन सक्दैनन् होला ?
अर्को रहस्यमय कुरा के छ भने भारतीय साम्राज्यवादको हस्तक्षेपलाई परास्त गर्न र आफ्नो प्रभुत्व जमाउन अमेरिकी साम्राज्यवाद खुल्ला रुपमा अघि सरेको छ । यस्तो अबस्था शृजना गर्ने काम काँग्रेस, एमाले, माओवादी र नयाँ भनिएको दल रास्वपाले एमसिसी मार्फत बाताबरण तयार गरिदिए । एकातिर पुर्वप्रधानमन्त्री केपि ओलिको राष्ट्रियताप्रतिको थोरै अडान र अर्कोतिर चिन भ्रमणमा रुसि राष्ट्रपतिसँगको भेटको भुराजनीतिक अबस्था शृजना भयो ।
केपी ओलि वास्तवमा राष्ट्रवादी थिए ? शंका छ । तर सत्ताको रोटी सेक्न, नाकाबन्दी र नयाँ नक्सामा जुन अडान लिए त्यो दक्षिणको वादशाहलाई शैय थिएन । यसकारणले पनि नेपाली राजनीतिमा पुनः उथलपुथल भयो । जहाँ अर्को साम्राज्यवादीको खेल चल्यो । पश्चिमाहरूले के सोंचे भने अब काँग्रेस, एमाले र माओवादी भन्दा अर्को दल रोजेमा आफ्नो फाइदा हुने नेपाल माथि कब्जा जमाउने र चिन माथिको सम्भावित आक्रमणलाई तेज पार्ने षड्यन्त्रको खेलमा सघाउने खल पात्रहरू खोज्न थाले ।
सरकारको भ्रष्ट नीति र जनताको असन्तुष्टिको फाइदा उठाउँदै स्वतन्त्रताको नाममा नयाँ दलको उदय हुनु, अमेरिकी युथ काउनशिल, बारबरा फाउण्डे्शन र नेपालस्थित अमेरिकी दूतावाससँग नजिक र इमान्दार रहेका ब्यक्तिहरूले पार्टी खोल्नु रिस आबेग र विध्वँश सहित तिनै ब्यक्ति र पार्टीहरूको लहैलहैमा जनमत शृजना हुँदै । जालहर बढ्नु तर नजताले आँखा चिम्लेर समर्थन गर्नु, इन्टरनेट, युटिभर र मिडियाहरू आँखा चिम्ले उनीहरूको प्रचार गर्नुले अझै भविस्यमा गम्भीर समस्या पैदा हुने देखिन्छ । एयसिसीका मतियारहरूको पुर्ण रुपमा बहुमत आयो भने, उनीहरूले जुन सेना घटाउने, भारत र अमेरिकालाई चिडाउन नहुने, जस्ता आपत्तिजनक अभिब्यक्ति दिनुले उनीहरूको नियत बुझ्न सजिलै सकिन्छ । तर जनताको नजरमा यो कुरा बुझान सकिने अबस्था छैन । किन कि उनीहरू एकोहोरो पुरानाको बिरोध र नयाँको समर्थ गरिरहेका छन् । भदौ २४ गतेको विध्वंशको मुल्यांकन गर्न नसक्ने, नख्खु घटना बुझ्न नसक्ने, धरौटी र विगो बुझाएर बाहिर आएको ब्यक्तिलाई यति धेरै समर्थन गर्नुले जनता एकोहोरो भैसकेको पुष्टि हुन्छ । भष्टाचारको बिरोध गर्दै भष्ट्रलाई नै जिताउनु पर्छ भन्ने नेपाली जनताको अनौठो आकाँक्षालाई हामीले कसरी बुझाउने ?
तथ्य अनुुसार यो शृङ्खला गत भदौ २३/२४ को घटनाले अझै निरन्तरता पाउने देखिन्छ । साम्राज्यवादी शक्ति यत्तिकैमा अब रोकिन्छ भन्ने देखिदैन । किनकि साम्राज्यवादीहरूको नेपालमा माहोल बन्दै गैरहेको देखिन्छ । यस्तो अबस्थामा यस्ता घटनाहरूलाई रोक्क प्रगतिशील र राष्ट्रवादी शक्तिहरूको बलियो एकता चाहिन्छ । कम्युनिस्ट मत विभाजनको फाइदा उठाउँदै साम्राज्यवादीहरूले कम्युनिस्टहरूकै पतन गराउन सक्ने सम्भावना छ । त्यसकारण लुकेको कुरा बुझेर अहिलेको साम्राज्यवादी माहोललाई निस्तेज पार्नुपर्ने आबस्यकता देखिन्छ । सच्चा नेपाली जनता होशियार हुनुपर्ने छ ।
