दाङ । राष्ट्रिय जनमोर्चा दाङ जिल्ला सदस्य चन्द्र बहादुर नेपालीकी ममतामयी आमा तुल्सी नेपालीको संझनामा श्रद्धाञ्जलि सभा सम्पन्न गरिएको छ । राष्ट्रिय जनमोर्चा घोराही उपमहानगरले सो श्रद्धाञ्जलि सभा सम्पन्न गरेको हो ।
स्मृतिशेष तुल्सी नेपालीका जेठा छोरा कुमानन्द नेपालीको अध्यक्षमा शुरू भएको सो कार्यक्रम राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यको प्रमुख आतिथ्यतामा सम्पन्न भएको थियो ।
कार्यक्रममा अखिल नेपाल युवक संघका पूर्व केन्द्रीय अध्यक्ष कासीनाथ पोखरेल, अखिल नेपाल जनजाति सम्मेलनका केन्द्रीय सचिव राम बहादुर जीएम, प्रगतिशील लेखक संघ लुम्बिनी प्रदेश उपाध्यक्ष सुरेश कुमार पाण्डे, अखिल नेपाल महिला संघकी केन्द्रीय पार्षद तथा राष्ट्रीय जनमोर्चा दाङ जिल्ला सहसचिब कृष्णा राना, राष्ट्रिय जनमोर्चा दाङ जिल्ला सदस्य चन्द्रबहादुर रावत, मेघराज भट्टराई र मृतकका छोरा राष्ट्रिय जनमोर्चा जिल्ला सदस्य चन्द्र बहादुर नेपाली, राष्ट्रिय जनमोर्चा घोराही नगर अध्यक्ष मनिराम खनाल, जातीय समता समाज दाङका जिल्ला अध्यक्ष सुर्यलाल नेपाली, जातीय समता समाजका जिल्ला सचिव कर्णबहादुर नेपाली र पूर्वअध्यक्ष काशीराम, नेपाली अखिल नेपाल शिक्षक संघ कन्द्रीय सदस्य ओमकला खनाल, अखिल नेपाल जनजाति सम्मेलनका जिल्ला कोषाध्यक्ष सेरबहादुर पुन, राष्ट्रिय जनमोर्चा नगर सदस्य सुद्ध बहादुर बाठा, जातीय समता समाजका जिल्ला कोषाध्यक्ष पोषण नेपाली, अखिल नेपाल महिला संघ जिल्ला सदस्य सुशीला नेपाली, जातीय मुक्ति समाज दाङ जिल्ला अध्यक्ष शंकर नेपाली, नेपाली काँग्रेस घोराही ५ का सहसचिब बाबुराम थापा लगायतले आतिथ्यता एवं श्रद्धाञ्जलि मन्तव्य दिनुभएको थियो ।
कार्यक्रमको सञ्चालन राष्ट्रिय जनमोर्चा घोराही नगर सचिब बलदेव विकले गर्नु भएको थियो ।
तुल्सी नेपालीको ८४ बर्षको उमेरमा निधन भएको थियो । उहाँका दुई छोरा र एक छोरी हुनुहुन्छ ।
