तौलिहवा । कपिलवस्तु जिल्लाको शिवराज नगरपालिका वडा नं. ३ मधवा उत्तर थारूगाउँमा राष्ट्रिय जनमोर्चाको भेला सम्पन्न भएको छ ।
राजमो कपिलवस्तुका सचिव केरसिंह अदै को प्रमुख आतिथ्यमा २०८२ पुस २५ गते शुक्रबार सो कार्यक्रम सम्पन्न भएको हो ।
रामलाल थारूको अध्यक्षता सम्पन्न सो भेलाले उहाँ नै अध्यक्ष रहनुभएको राजमोको १३ सदस्यीय मधवा उत्तर गाउँ समिति गठन गरेको छ ।
समितिको उपाध्यक्षमा रामनाथ थारू, सचिवमा निरा चौधरी, कोषाध्यक्षमा पुष्पा थारू तथा सदस्यमा फूलपाती थारू, प्रेमबहादुर थारू, रामदेव थारू, रणमनिया थारू, सीमा थारू, रामवरण थारू र एक स्थान रिक्त राखिएको छ ।
त्यसैगरी समितिको सल्लाहकारमा रामपल्टन थारू र मलाहु थारू रहनुभएको छ ।
भेलालाई सम्बोधन गर्दै प्रमुख अतिथि अदैले राजमोको नीति तथा कार्यक्रमबारे प्रकाश पार्नुभएको थियो ।
राजमोले जनतालाई सजग बनाइँदै आएको तर अन्य दलले थारू समुदायलाई भ्रममा पारेर भोट लिने गरेको उहाँले प्रष्ट पार्नुभयो ।
कार्यक्रममा जातीय समता समाजका केन्द्रीय सदस्य रामबहादुर विकले पनि मन्तव्य राख्नुभएको थियो ।
कार्यक्रमको सञ्चालन रामपल्टन थारूले गर्नुभएको थियो ।
भेलामा राजमो सचिव अदैले २२ जनालाई राजमोको सदस्यता प्रदान गर्नुभएको थियो ।
