नयाँ दिल्ली । भारतको उत्तरप्रदेशमा पर्ने बलरामपुर जिल्लामा नेपालीहरू यात्रा गरिरहेको बस ट्रकसँग ठोकिँदा आगो लागेको थियो । उक्त बसमा यात्रा गरिहेका करिब ४० जना मध्यमा ३ जनाको घटनास्थल मै निधन भएको थियो भने, ६ जनाको गम्भिर अवस्था रहेको बलरामपुरका एसपी प्रतापले बताएका छन् ।
प्रतापका अनुसार गम्भिर घाइतेहरूमा नवलपरासी निवासी विरबहादुरका छोरा कृष्ण बहादुरको लखनऊ सिविल अस्पतालमा उपचार भइरहेको छ ।
त्यस्तै नवलपरासी निवासी कृष्णबहादुरका छोराहरू विस्नु बहादुर र अनिल बहादुर, बुटवल निवासी मधुकुमारका छोरा दिवाकर र बुटवल निवासी शंकर महतकी श्रीमती धनकुमारीको उपचार बहराईचस्थित सिविल अस्पतालमा उपचार भइरहेको छ ।
त्यस्तै बुटवल निवासी मुकुन्दनाथकी छोरी रिचा योगीको बलरामपुरमा उपचार भइरहेको छ ।
त्यस्तै अन्य घाइतेहरूको पनि बलरामपुरमा उपचार पश्चात अवस्था सामान्य रहेको बताइएको छ ।
