विकानेर । मूल प्रवाह अखिल भारत नेपाली एकता समाजका महासचिव त्रिभुवन भट्टराईले मुलुकलाई अस्थिरतातर्फ जान दिन नहुने बताउनु भएको छ । भट्टराईले भारतको राजस्थान राज्यको विकानेरमा ३० नोबेम्बर २०२५ को सम्मान मूल प्रवाहको एकदिवसीय नगर स्तरिय प्रशिक्षण कार्यक्रमलाई सम्बोधन गर्दै उक्त धारणा राख्नुभएको हो ।
भट्टराईले भारतमा रहने नेपालीहरूलाई वर्तमानमा भोटर आइडी, आधारकार्ड र मताधिकार लगायतको विषयमा समस्या पर्दै गइरहेको बताउनु भयो । मूल प्रवाहका केन्द्रीय सदस्य एवं सुदुर पश्चिमोत्तर क्षेत्रीय अध्यक्ष तारा सोमारेले भारतस्थित नेपालीहरूको हकहितमा मूल प्रवाहले खेलेको भुमिका निकै गौरवमय रहेको बताउनु भएको थियो ।
कार्यक्रममा मूल प्रवाहको सुदुर पश्चिमोत्तर क्षेत्रीय सदस्य राम प्रसाद पोखरेल, महिला क्षेत्रीय सदस्य सविता पाण्डे र सुना थापा, समता विभागका राजु नेपाली, कोषाध्यक्ष लोकबहादुर पाण्डे, रक्तिमबाट उषा विक, विसाफ भुल, पटेल नगर एरियाका, बखत सलामी, बलबहादुर राना, करण भुल, सुनिता भट्टराई लगाएतको आथित्यता रहेको थियो ।
कार्यक्रम सविता खनालको सञ्चालनमा तथा विशाल अधिकारीको अध्यक्षतामा सम्पन्न भएको हो ।
