काठमाडौँ । राष्ट्रिय जनमोर्चा निर्वाचन आयोगमा दर्ता भएको छ ।

आगामी फागुन २१ गते हुन गइरहेको प्रतिनिधिसभा निर्वाचन र लगत्तै हुन गइरहेको राष्ट्रियसभा निर्वाचन प्रयोजनका लागि राजमो आयोगमा दर्ता भएको हो ।

केन्द्रीय कार्यालयले उपलब्ध गराएको सूचनाअनुसार प्रतिनिधिसभा निर्वाचनमा राजमोको दर्ता नम्बर २४ रहेको छ भने राष्ट्रियसभा निर्वाचनमा राजमोको दर्ता नम्बर ६ रहेको छ ।

दुवै चुनावका लागि आयोगमा आज २०८२ मङ्सिर ३ गते राजमो दर्ता भएको हो ।

महासचिव मनोज भट्टका अनुसार राजमोले निर्वाचनमा सहभागिताका लागि तीव्र गतिमा तयारी गरिरहेको छ । सोही क्रममा दलदर्ता सम्पन्न भएको हो ।