सुर्खेत । रक्तिम सांस्कृतिक अभियान लेकबेसी नगर समिति सुर्खेतको भेला सम्पन्न भएको छ । रक्तिम सांस्कृतिक अभियान केन्द्रीय समितिका अध्यक्ष गिरीप्रसाद बुढाको बिशेष उपस्थितिमा सम्पन्न भेलाले प्रविता ठाडाको अध्यक्षमा नौं सदस्यीय रक्तिम सांस्कृतिक अभियान लेकबेसी नगर समितिको पुनर्गठन गरेको छ ।
समितिमा क्रमशः खिमा सिंजाली (उपाध्यक्ष), निलम ज्ञामी (सचिव), प्रभास ज्ञामी (सहसचिव), दिपिका ठाडा (कोषाध्यक्ष), सदस्यहरूमा क्रमशः फुलमाया खाम्चा, भावना गुरूङ, विमोचन ठाडा र दिपु पुलामी रहनुभएको छ ।
यसैगरी भेलाले ५ सदस्यीय सल्लाहकार चयन गरेको छ । जसमाः कर्णबहादुर ठाडा, प्रेमबहादुर ठाडा, प्रेमबहादुर ज्ञामी, पुर्णकला खाम्चा र पाण्डव कथायत रहनुभएको छ ।
भेलामा रक्तिमका अध्यक्ष गिरीप्रसाद बुढाले संगठनको महत्व र रक्तिमका कलाकारहरूको भुमिका सम्बन्धमा प्रशिक्षण दिनुभएको थियो । प्रशिक्षण पश्चात् प्रतिभा प्रस्तुतिको कार्यक्रम सञ्चालन गरिएको थियो । कार्यक्रमको अन्त्यमा अखिल नेपाल किसान संघका केन्द्रीय बैकल्पिक सदस्य प्रेमबहादुर ठाडाले नव निर्वाचित टिमलाई बढाई तथा शुभकामना दिँदै भेलाको समापन गर्नुभएको थियो ।
