तानसेन । पाल्पामा राष्ट्रिय जनमोर्चाले समसामयिक विषयमा प्रशिक्षण सम्पन्न गरेको छ ।

राजमो केन्द्रीय सल्लाहकार तथा तराई मधेस जनवादी मोर्चाका अध्यक्ष बद्रे आलमको प्रमुख आतिथ्यमा २०८२ कात्तिक २९ गते शनिबार सो कार्यक्रम सम्पन्न भएको थियो ।

कार्यक्रममा आलम र राजमो अर्का केन्द्रीय सदस्य सोमकुमार कार्कीले समसामयिक विषयमा प्रशिक्षण दिनुभएको थियो ।

जेनजी आन्दोलनपछिको पृथक परिस्थितिमा संविधान र गणतन्त्रको रक्षा मुख्य चिन्ताको विषयमा भएको प्रशिक्षणमा बताइएको थियो ।

फागुन २१ गते चुनाव भए राजमोले राजनीतिक भण्डाफोरको रूपमा त्यसलाई उपयोग गर्ने र संसद् पुनस्र्थापना भए पनि त्यसलाई स्वागत गर्ने प्रशिक्षकद्वयको भनाइ थियो ।

प्रमुख अतिथि आलमले मैनबत्ती बालेर उद्घाटन गर्नुभएको सो कार्यक्रममा अखिल नेपाल युवक सङ्घ पाल्पाका अध्यक्ष कमल थापा, अखिल नेपाल शिक्षक सङ्घ पाल्पाकी अध्यक्ष निरू थापा, अखिल (छैठौं) पाल्पाकी सचिव दिपा गाहा, जातीय समता समाज पाल्पाकी प्रतिनिधि माया विक र बहराइन नेपाली एकता समाजका पूर्व अध्यक्ष दलबहादुर गाहाले शुभकामना मन्तव्य राख्नुभएको थियो ।

राजमो पाल्पाका अध्यक्ष विशाल दर्लामीको अध्यक्षता तथा नरमती सिँजालीको सञ्चालनमा अघि बढेको सो कार्यक्रममा अखिल नेपाल टे«ड युनियन महासङ्घ (अन्टुक) का केन्द्रीय उपाध्यक्ष टिकाराम पौडेल, अखिल नेपाल प्रगतिशील लेखक सङ्घका केन्द्रीय सदस्य राम प्रसाद गैरे र अखिल नेपाल महिला सङ्घ पाल्पाकी अध्यक्ष उमा सिँजालीको आतिथ्य रहेको थियो ।

उपस्थित सहभागीलाई राजमो पाल्पाका उपाध्यक्ष मानबहादुर बयम्बूले स्वागत गर्नुभएको थियो ।