इनरुवा । राष्ट्रिय जनमोर्चा कोशीले प्रदेशस्तरीय प्रशिक्षण कार्यक्रम सम्पन्न गरेको छ ।

केन्द्रीय प्रतिनिधि हरिकान्त शर्माको प्रमुख आतिथ्यमा २०८२ कात्तिक २९ गते सुनसरीको मिलनचोकमा सो कार्यक्रम सम्पन्न भएको हो ।

कार्यक्रममा प्रशिक्षण दिँदै शर्माले जेनजी आन्दोलनका कारण दुईतिहाइको दम्भ पालेको सत्ताधारी नेपाली कङ्ग्रेस र नेकपा (एमाले) को सरकार पतन भएको बताउनुभयो ।

जेनजी आन्दोलनको मुख्य माग भ्रष्टाचार र कतिपय सामाजिक सञ्जालमाथिको प्रतिबन्धबारे राजमोले पनि आन्दोलन गरेको स्पष्ट पार्दै उहाँले विचार र सङ्गठनको अभावमा उक्त आन्दोलनलाई साम्राज्यवादीले उपयोग गरेको धारणा व्यक्त गर्नुभयो ।

कार्यक्रमको अध्यक्षता शेरबहादुर खत्रीले र सञ्चालन अमृत पाण्डेले गर्नुभएको थियो ।