दाङ । अखिल नेपाल जनजाति सम्मेलन दाङले पाँचौँ राष्ट्रिय महाधिवेशनको सन्देशसभा सम्पन्न भएको छ ।
केन्द्रीय उपाध्यक्ष रमेशमान गुरुङको प्रमुख आतिथ्यमा २०८२ कात्तिक १८ गते शुक्रबार लमहीमा सो कार्यक्रम सम्पन्न भएको हो ।
सो अवसरमा मन्तव्य राख्दै उपाध्यक्ष गुरुङले पाँचौँ राष्ट्रिय महाधिवेशनबाट जनजाति सम्मेलन नयाँ जोसका साथ अगाडि बढ्ने दाबी गर्नुभयो ।
मङ्सिर २१ गतेदेखि पुस २१ गतेसम्म जनजाति सम्मेलनले प्युठानका स्वर्गद्वारी नगरपालिका र माण्डवी गाउँपालिकामा क्रमश: २० र १० दिने प्रशिक्षण कार्यक्रम राखेको उहाँले जानकारी दिनुभयो ।
कार्यक्रममा जनजाति सम्मेलनकै केन्द्रीय सचिव रामबहादुर जिएम र राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले पनि सम्बोधन गर्नुभएको थियो ।
कार्यक्रमको सञ्चालन जनजाति सम्मेलन दाङका सचिव मङ्गल घर्तीमगरले गर्नुभएको थियो ।
