काठमाडौँ । अवकाशमा गएका पूर्वप्रहरी महानिरीक्षक खापुङलाई विदेश भ्रमणमा रोक लगाएको छ ।

गत भदौ २३ र २४ गते भएको जेन–जी आन्दोलनका घटनासम्बन्धी जाँचबुझका लागि गठित गौरीबहादुर कार्कीको संयोजकत्वमा गठित जाँचबुझ आयोग, २०८२ ले खापुङलाई विदेश भ्रमणमा रोक लगाउने निर्णय गरेको हो ।

आयोगको बिहीबार बसेको बैठकले खापुङलाई कुनै पनि समयमा आयोगमा उपस्थित हुनुपर्ने भएकाले तत्कालै लागू हुने गरी उनको विदेश भ्रमण रोक्ने निर्णय गरेको हो ।

आयोगको स्वीकृतिबिना काठमाडौँ उपत्यका बाहिर जान नपाउने व्यवस्था गर्न पनि सम्बन्धित निकायलाई पत्राचार गर्ने निर्णय गरेको प्रवक्ता विज्ञानराज शर्माले बताए ।