दैलेख । राष्ट्रिय जनमोर्चा दैलेख जिल्लाको राजनीतिक प्रशिक्षण कार्यक्रम भवतिमाई गाउँपालिका स्थित कट्टी गाउँमा सम्पन्न भएको छ ।
तात्कालिक राजनीतिक परिस्थिति सम्बन्धि पार्टीको दृष्टिकोण स्पष्ट पार्न आयोजित यस प्रशिक्षण कार्यक्रम आयोजना गरिएको थियो ।
प्रशिक्षण कार्यक्रममा रक्तिम सांस्कृतिक अभियानका केन्द्रीय अध्यक्ष तथा राष्ट्रिय जनमोर्चा कर्णाली प्रदेशका सल्लाहकार गिरीप्रसाद बुढाले तात्कालिक राजनीतिक परिस्थितिको बारेमा प्रकाश पार्दै प्रशिक्षण दिनुभएको थियो ।
प्रशिक्षणपश्चात प्रशिक्षणमा सहभागी राजमो दैलेखका नेता कार्यकर्ताको बिचमा ने.क.पा.(मसाल) केन्द्रीय समितिको बैठकले हालै पारित गरेको जेनजी आन्दोलन सन्दर्भको राजनीतिक प्रस्तावको सामुहिक अध्ययन कार्य सञ्चालन गरिएको थियो ।
उक्त दस्तावेज अध्ययन पश्चात प्रश्नोत्तर कार्यक्रम राखिएको थियो । अन्तमा प्रश्नोत्तर कार्यक्रममा उठेका सवालहरूको जवाफ प्रशिक्षक गिरीप्रसाद बुढाले दिनुभएको थियो ।
कार्यक्रममा उपलब्ध नयाँ पुस्ताका विद्यार्थी युवाहरूलाई पनि बेग्लै प्रशिक्षण दिइएको थियो ।
यस अघि २५ गते गोठी टोलमा पनि यसरी नै राजनीतिक प्रशिक्षण सम्पन्न गरिएको थियो । प्रशिक्षण कार्यक्रममा राजमो कर्णाली प्रदेशका सदस्य नरबहादुर सिंह, राजमो दैलेखका कृष्ण केसी, कमल बरही, हर्क रेग्मी लगायतको उपस्थित रहेको थियो ।
