घोराही । राष्ट्रिय जनमोर्चाका लुम्बिनी प्रदेश सल्लाहकार तथा अखिल (छैठौँ) का पुर्व महासचिव सुरेश थापाले सरकारको नीति राम्रो नभएको कारण त्यसको सिकार युवा पुस्ता भएको बताउनु भएको छ ।
‘सरकारको शिक्षा नीति सहि छैन, उत्पादन र स्वरोजगार मुलक शिक्षा छैन, प्राविधिक ज्ञान र सिप सिकाइएको छैन, सिमित भएको प्राविधिक शिक्षा महङ्गो र आम नागरिकको पहुँच भन्दा माथि छ ।’ थापाले भन्नु भयो– ‘युबाहरूलाई राजनीतिक सचेतना प्रदान गर्ने बाटो बाट बञ्चित गरिएको छ ।’ यसको सिकार युबा मात्र नभएर अहिलेको सरकार सञ्चालक समेत भएको थापाले बताउनु भयो ।
अखिल नेपाल राष्ट्रिय स्वतन्त्र विद्यार्थी युनियन (छैठौँ) जिल्ला समिति दाङले देशको वर्तमान राजनीतिक अवस्था र युवा पुस्ताको भुमिकाका विषयमा आयोजना गरिएको प्रशिक्षण कार्यक्रममा प्रशिक्षण दिने क्रममा उहाँले यो कुरा बताउनु भएको हो । उहाले अगाडी भन्नु भयो युबा पुस्तालाइ राजनीति गर्न हुदैन भन्नेहरूले नै देशलाइ पछाडि धकेल्ने काम गरेको भन्दै बिस्तृत रुपमा प्रशिक्षण दिनु भएको थियोे ।
यसैगरी राष्ट्रिय जनमोर्चाका केन्द्रिय सदस्य तथा अखिल (छैठौँ) का पुर्ब केन्द्रीय सचिव गणेश आचार्यले युवा पुस्तामा राजनीतिक सचेतना नहुँदा देश अराजकताको भुमरीमा फसेको बताउनु भयो । ‘जेनजि आन्दोलनमा सामेलहरूमा राजनीतिक सचेतना नहुँदा हिजो तिनै भ्रष्ट दलबाट उपयोग भएको र अहिले भ्रष्टाचारको विरोध गर्ने नाममा राजनीतिक मुद्दा बेगर वाहिय घुसपैठियाहरूले प्रयोग गरे ।’
अखिल (छैठौँ) का जिल्ला अध्यक्ष सेबक भट्टराईको अध्यक्षतामा भएको कार्यक्रममा अध्यक्ष भट्टराईले विद्यार्थी आन्दोलनको बारेमा प्रशिक्षण दिँदै सम्पुर्ण उपस्थिती विद्यार्थीहरूलाई स्वागत समेत गर्नुभएको थियोे ।
कार्यक्रमको सहजीकरण जिल्ला सचिव दिनेश रैदासले गर्नुभएको थियोे । कार्यक्रममा अखिल नेपाल युवक संघ पुर्व केन्द्रीय अध्यक्ष काशिनाथ पोख्रेल, राष्ट्रिय जनमोर्चा केन्द्रीय सदस्य कमला जिसी, अखिल नेपाल जनजाति सम्मेलन केन्द्रीय सचिव रामबहादुर घर्ती, अखिल नेपाल किसान महासंघ जिल्ला सचिव मनिराम खनाल, अखिल नेपाल युबक संघ लुम्बिनी प्रदेश सदस्य दिपक केसी, जातीय समता समाज जिल्ला सचिव बलदेव विक, रक्तिम सांस्कृतिक अभियान घोराही नगर अध्यक्ष उत्सव पुन, उपाध्यक्ष रोसनी घर्ती, अखिल नेपाल महिला संघ घोराही नगर उपाध्यक्ष सुसिला नेपाली, जातीय समता समाज जिल्ला कोषाध्यक्ष पोसण नेपाली लगायतको आथित्यता रहेको थियोे ।
